2015年4月9日 星期四

章小蕙好腳力 [壹週刊 - 1309] 章小蕙,M1,



同你吟一吟

章小蕙好腳力

據報載今年復活假期來港入境旅客,比起舊年同期減少百分之 8.7,仲有三成人係經香港轉飛其他地方,過門不入。

自由行少咗,唔少歐洲品牌為刺激銷售額,紛紛諗計促銷,甚至因為歐羅跌,堂而皇之將貨品售價下調兩成。

減價不單令名牌店外人龍復活,仲吸引前 B嫂章小蕙出動掃貨。上星期四(二日),章小蕙一個人喺中環置地廣場巡鋪, Chanel、 Dior呢啲有郁手落價嘅品牌,去勻!五點幾開始,巡到人哋閂門收工,先收手。

八珍唔識經濟,但都知道,做生意捱貴租,羊毛出自羊身上,受害嘅,係留守本土、無財力出走嘅香港人,所以,同胞少咗來港消費,唔一定有弊冇利。

章小蕙喺 Landmark買到鋪頭夠鐘收工,先捨得走。

拎住三大袋,摷手袋搵嘢都要放低地下先有手。

行咗幾個鐘,兩手都係嘢,一條氣行上威靈頓街,咁好腳力,章小蕙呢雙壯腿,果然唔係浪得虛名。

鍾意就快D Share啦!
Related Posts Plugin for WordPress, Blogger...