全城熱爆的娛樂八封新聞 & 時事趣聞 & 生活 + 趣聞
橫間衫令 Kary個肚更加凸，加上有傳佢先有後閃婚，令八珍都以為佢搞出人命。
經歷數度離離合合， Kary吳雨霏今年初終於同初戀男友 Brian洪立熙响美國註冊結婚。成為人妻，洪太 Kary講過，佢同老公都鍾意小朋友，計劃將來生 3個，不過年中因為要响紅館舉行演唱會，所以呢段時間要好好做足安全措施，免得佗住個 B上台。
不過早排《壹》仔見到 Kary同朋友行中環，著住件橫間貼身衫，個肚明顯脹卜卜，咦！唔通搞出人命？八珍索性直接問當事人， Kary解釋只係美麗嘅誤會：「我整親條腰，所以要戴住個腰封，我都好想有 BB，不過要開埋個演唱會先！」又係喎！ Kary得 29歲，就算想啤隊足球隊出嚟，都仲有時間！
著埋平底鞋，真係好有可疑。
同朋友等車，臨上車前， Kary同《壹》仔講拜拜。
Kary舉行合照會，見到歌迷抱一個佗一個，恨做媽咪嘅 Kary話相當羨慕。
同老公 Brian有晒共識，希望將來生夠 3個。
