全城熱爆的娛樂八封新聞 & 時事趣聞 & 生活 + 趣聞
周嘉玲同老公出街，仲要照顧埋囡囡（白外套白裙）兩個同學仔，多啲嚟密啲手。
退出幕前，轉行做童裝生意嘅周嘉玲， 08年同比利時籍印裔老公 Govea生咗個囡囡之後，原本打算再追多個，可惜肚皮一直唔見有動靜。早排《壹》仔見到周嘉玲一家三口行金鐘太古廣場，兩公婆仲做埋 part time保母，照顧囡囡兩個同學仔。
老公要去買相機，周嘉玲一打三！之後一齊行影碟鋪， auntie嘉玲叫一人揀一隻卡通 DVD做禮物。照顧小朋友拿手，旗下童裝生意亦愈做愈好，銅鑼灣、赤柱都有鋪，力不到不為財，周嘉玲不時落鋪頭執鋪點貨，湊女做生意都自己嚟，仲邊有空間再啤多個呀！
個個細路都咁乖，周嘉玲有獎賞，一人送一隻卡通 DVD。
老公 Govea要買相機鏡頭，落到停車場，先幫班細路影相試機。
另一日，周嘉玲喺銅鑼灣鋪頭執貨，事事親力親為。
周嘉玲最後一套幕前作品，係 04年嘅《上海灘之俠醫傳奇》，對手有生咗兩個女、依然活躍幕前嘅蔡少芬。
