全城熱爆的娛樂八封新聞 & 時事趣聞 & 生活 + 趣聞
張達明除低超，睇清楚 DVD上面嘅介紹，最終揀咗特價 99蚊嘅《接聽風雲》。
三年前確診患上鼻咽癌三期，化療期間仲出現重金屬中毒嘅張達明，雖然已經痊癒復出，但為顧及身體，要長期監控癌細胞指數，工時長嘅演出，可免則免。
上星期五（四月三日）， hea住做嘅張達明喺圓方行 HMV，見到 DVD做特價 99蚊，於是買咗隻舊年尾上嘅英國片《接聽風雲》返屋企煲。離開時經過戲院，又停低望吓有乜新片上，就算少咗接戲，一樣咁留意電影行情。是日張達明將架波子 Jeep交俾 W酒店代客泊，行完街去攞車，自動波準備一百蚊俾貼士。唔使上上落落喺停車場兜來兜去，一張紅底代泊，慳水慳力。
接受化療後已康復嘅張達明仲好瘦，但健步如飛，當日《壹》仔幾乎係半跑，先跟得上佢。
行返去 W酒店攞車，張達明攞定張紅底俾代泊職員。
