掃呢頁CODE去手機

2015年4月9日 星期四

不敵癌魔 王敏明難捨老公:天家見 王敏明,



不敵癌魔 王敏明難捨老公:天家見



其他影片:>>






癌魔復發逝世 王敏明不捨老公:天家見

前無綫藝員王敏明與淋巴癌搏鬥6年,前日不敵癌魔折磨撒手人寰,臨終前留給老公區偉麟最後說話:「我走天家見」痛失愛妻的區偉麟大讚老婆很堅強,曾3度復發的她,由於身材嬌小玲瓏,每次接受化療針藥都很痛楚,艱苦地跨過一次又一次的難關,前日安詳地返回天家,他說:「好掛住佢,諗起兩個往事好唔開心!」

年約50歲的王敏明在無綫任舞蹈員出身,其後轉做藝員拍過《蓋世豪俠》、《絕代雙驕》等劇集,被力捧為銀河七星之一,1993年與同是七星的區偉麟結婚,其胞弟王維德亦是藝人。婚後兩夫婦相繼離開娛樂圈轉做保險,王敏明不幸於2009年患上淋巴癌,纏綿病榻的她於上月13日在facebook寫道:「昨晚突然又燒39.3,要打畀醫生,吃退燒及改抗生素,可惜我手豆豆已捱不住,但找了3次都不得,尤其隻腳痛到全院都知,又咳到好厲害,父阿!你不要忘記女兒,我真的很痛苦!」可惜王敏明最後不敵病魔摧殘,前日在九龍城聖德肋撒醫院病逝,本月23日假紅磡世界殯儀館出殯。



■患有淋巴癌的王敏明在6年間3度復發,前日終不敵病魔折磨與世長辭,將於本月23日假世界殯儀館出殯。



■王敏明和區偉麟結婚12年夫妻恩愛,兩人沒有子女,現留下區偉麟孤獨一人。



■區偉麟於2011年辭去保險工作全心照顧太太,兩人不時唱歌做騷搵外快。

無子女遺夫一人

區偉麟在病床前目送愛妻離世,難過得頭暈手震,前晚在fb悼念:「她已安詳地回到天父的懷裏!雖然我極度不捨和心痛,但她可擺脫病魔的折磨返回天家,為此亦感到安慰!我的摯愛老婆,他日天家再重聚!」兩人沒有子女,王敏明走後留下區偉麟孤單一人,昨他接受電話訪問說:「佢走咗,當然好掛住佢,諗起兩個往事好唔開心,好唔捨得!」提到王敏明的病情,他說:「去年3月復發到呢段日子,反反覆覆,佢係一個好活躍嘅人,鍾意跳舞,復發冇咗體力跳舞,8月完成療程,但身體未復元番原狀,可能弱咗,中間有肺炎又有併發症,入院唔係太開心。」

王敏明患淋巴癌後,輾轉6年間3度復發跟死神搏鬥,區偉麟嘆說:「最後一段日子都OK,走得幾安詳,慢性淋巴癌唔可以根治,可能過一、兩年又出番嚟,呢段時間比較困擾,擔心下一次又幾時呢!其實佢2009年有病,11年好番,但13年復發,14年又復發,佢好堅強好叻,佢個子唔係高大,嬌小玲瓏,每次接受化療針藥好痛楚,每打完一次化療藥,每次要搵血管,呢個經歷好痛苦,加上完成後嘅副作用。」



■2008年王維德在無綫節目唱歌籌款,獲舞蹈員出身的家姐王敏明伴舞。

王維德禁食祈禱

王敏明於患癌後信了主耶穌,獲得心靈上的鼓勵,區偉麟說:「上帝恩典,佢一步步跨過,即使帶病都去講見證,咁多年不斷傳福音,都幫到好多人。」問王敏明有甚麼遺言?他說:「冇乜特別嘢,都好舒服,瞓瞓吓覺走。大家都唔捨得,佢最後同我講『我走啦,天家見』」區偉麟於妻子患病後向公司請假,至2011年更辭職全心照顧老婆,兩人間中有登台做騷,生活沒有問題。

至於王維德昨跟姐夫及家人辦理亡姐身後事,他在電話說:「家姐得到呢個癌病,打完勝仗後考跳舞牌,老師讚佢分數好高,記得佢第一次入院,喊晒口同我講『我以後冇得再跳舞』,我梗係喝佢令佢清醒『好番咪跳得囉』,佢思想一直好單純,畀番啲正面訊息佢,即刻成個人有鬥志。」

兩人姊弟情深,王維德憶述家姐病情難過說:「抵抗力下降得好緊要,要搵血管落葡萄糖水已經搵唔到。之前可以經常去探佢,唔怕細菌感染,但今次白血球指數係零,所有病菌都可以侵蝕佢,但唔見又唔得,見又驚感染到,好矛盾。」同樣是虔誠教徒的王維德,曾試過禁食兩日祈禱,可惜家姐已走到盡頭!他說:「姐夫一直好寵愛家姐,乜都係以佢為先,所以好傷心。」

採訪:皓騫、嵐山



■王敏明自覺患病後不能再跳舞,因而大哭一場。

鍾意就快D Share啦!