掃呢頁CODE去手機

2015年5月27日 星期三

有偈傾 關淑怡午夜凶鈴求簽約 劉嘉玲:佢有情緒問題 [FACE - 418] 關淑怡,劉嘉玲,嘉玲,MF,



上週三( 21日),劉嘉玲出席個人投資、葛民輝設計的自家時裝品牌活動,對《 FACE》承認做咗關淑怡傾訴對象。

真面目

有偈傾 關淑怡午夜凶鈴求簽約 劉嘉玲:佢有情緒問題

有宗教信仰幾時都係好事,不過冇工開,仲等滿天神佛出手打救?梗係開口搵啲信徒教友打救仲快手!據悉關淑怡廿五週年紀念演唱會未開得成,連最抵得諗嘅經理人 Marianne都暫時唔做經理人,近日開始午夜凶鈴打俾密宗教友劉嘉玲傾前途、傾大計。

圈中密宗信眾,朝偉王菲嘉玲邱淑貞,隨口講幾個都係巨星中嘅巨星,不過論交際手腕、論圈中地位,仲要近年撈埋酒吧地產時裝名表化裝品同藝術品,識得𢱑梗係要搵嘉玲。邊個仲敢話關淑怡神化唔識諗?

關淑怡 SK每次話復出有搞作,都實有類似負面新聞傳出。姑勿論係真定被人抹黑,事實係 05年至今,經理人轉完又轉,繼大國文化、 Neway短暫合作冇下文後, 12年開始合作的 Marianne王敏慧又同關淑怡各走各路。形象已經欠穩定又難控制,社交更是 SK弱項,圈中朋友少得可憐,再冇埋 Marianne,說好的 25週年紀念演唱會,搞到 30週年嚟緊都能見度低,要養仔養自己, SK終於發力自谷。

長期不在狀態,又再度失去經理人,關淑怡最近除了寶麗金金曲巡演,暫時未有新工作。

圖片

同樣篤信密宗,又曾經在曾志偉壽宴及思念梅艷芳演唱會上碰面,關淑怡近月開始積極向劉嘉玲 sell大計,經常致電忽然好姊妹。

「我做佢個垃圾桶!」

因為有共同宗教信仰,又有曾志偉等共同朋友,據悉關淑怡近日密密打俾忽然 friend咗的劉嘉玲,有時仲三更半夜傾唔斷氣,希望有自組公司念頭的嘉玲姐打救,求簽約旗下幫幫手。

上週四( 21日),《 FACE》在活動上問嘉玲姐是否密密收 SK電話,嘉玲姐就話:「佢唔係成日,係有陣時會打嚟!(想你簽佢?)冇冇冇,從來都冇講過要(簽約),佢有陣時會搵我傾下偈,可能大家都係密宗……我點會幫到佢吖?佢都有好多自己嘅諗法,唔係工作,係私人情緒問題,搵個人、有個垃圾桶扔下,我做佢個垃圾桶。我好有耐性聽佢講嘢,講出嚟會舒服啲嘅!」

嘉玲姐有義氣又有財氣,搵葛民輝幫自家品牌設計都仆心仆命,仲親身幫手行埋騷,呢種垃圾桶又唔怕埋身喎!

幫咗兩年, Marianne都走埋,關淑怡為𢱑撈積極發力,據悉亦搵過學友經理人陳淑芬。

圖片

圖片

朝偉、嘉玲夫婦篤信密宗多年,據悉全靠在宗教活動上多碰面, SK得以埋嘉玲身。

圖片

大老闆

《忽然 1周》圖片

狂開鋪

酒吧、服務式公寓、傢俬鋪、酒莊、搞個人品牌服裝、面膜、又喺老家蘇州起埋樓盤,嘉玲近年積極拓展商業領域,變身女強人。

《蘋果日報》圖片

搞藝術

自爆收藏畫作多過服裝同飾物,嘉玲近年成為藝術展覽常客又做埋拍賣場客席拍賣官,有指會投資千萬開畫廊。

《忽然 1周》圖片

名人圈

同鄧永鏘為老相識、合資開傢俬店,嘉玲同其胞妹鄧霓儀關係更密切,大量名下生意是合作夥伴,交際手腕絕頂。

《蘋果日報》圖片

攞影后

雖然積極向商界發展,娛圈人脈繼續看重,前年更零片酬義助新晉導演主演《過界》,更因此獲得大阪影后。

ig得 4個圈中人

80年代同期出身歌手、又有幾隻大賣碟,個個今時今日都有一定江湖地位,亦都相識滿天下。唯獨曾經紅極一時嘅 SK,個個經理人合作完冇下文、圈中朋友亦冇幾個,以近 30年資歷嚟講,私人 ig賬號追蹤了近 180人,但當中的圈中人五隻手指已經夠數,關淑怡都算係經典。

鍾意喺 ig寫嘢嘅 SK,去年自爆私生子的父親係不丹活佛,震驚娛樂圈。

25變 30

13年初翻唱〈陀飛輪〉又舉行兩場紅館個唱,關淑怡曾經言之鑿鑿將於翌年(14年)舉行出道 25週年紀念個唱,結果講講下又冇咗件事,實情 86年參加新秀,再拖明年已經係 SK出道 30年。

13年大張旗鼓復出開個唱,不過 SK上台露肥腩、後台又偷食煙,令人懷疑是否為表演出盡全力。

《蘋果日報》圖片

86年參加新秀,去完一轉日本,直至 89年關淑怡才推出首張個人廣東大碟,所以佢話計自己出道 25年。

鍾意就快D Share啦!