掃呢頁CODE去手機

2015年8月16日 星期日

雲海大戰電話騙徒 借冥通銀行2.3億 雲海,



其他影片:>>






【本報訊】昨日是農曆七月初一,相傳是「鬼門關大開」的日子。對靈異事物及外星人都甚有研究的雲海,這天剛好收到一名自稱是恒生銀行職員的來電,不忘以冥通銀行及破地獄與對方唇槍舌劍一番,結果成功擊退電話騙徒,更將對話放上facebook,獲網民大讚!

《蘋果》記者事後聯絡到雲海,他直言並非第一次收到電話騙徒來電,更形容「電話騙案已經去到一個瘋狂嘅地步」。他又指,上星期曾向警方相關部門投訴,惟警方以法律及權限為由,指若市民未有被騙去財產的話,警方未能介入及調查。雲海批評警方的回應實屬匪夷所思,認為問題只會日益嚴重,作為市民的「要自求多福」。

雲海又指,片段中的騙徒與香港文化甚為脫節,惟他將片段放上facebook後,仍有不少網民誤以為是恒生銀行職員來電,指「人哋都係打工啫」。雲海坦言「覺得好失望」,「咁多市民原來仲信嘅話,咁好肯定呢個市場,被騙嘅市場個空間好大」。

記者將電話錄音中,操半鹹淡廣東話的「騙徒」與雲海對話,節錄了以下4大精警位:

騙徒:先生,你手頭上有冇咩數係供緊?

雲海:供緊呀,有2億3千萬

騙徒:2億3千萬供緊,咁你係點樣還法?

雲海:還60世到啦

騙徒:嗯?

雲海:還60世

騙徒:咁你而家係做邊行?人工咪好高?

雲海:做破地獄

騙徒:嗯?

雲海:做破地獄

騙徒:私人貸款有咩可能借到成億幾呀先生?

雲海:係囉,冥通做到喎

騙徒:喺邊度都做唔到啦,私人貸款喎先生

雲海:係呀,冥通銀行做到呀,你連冥通銀行係咩都唔知呀?

騙徒:唔係唔知,係邊度都做唔到啦,私人貸款邊有可能做到成億幾?

雲海:係呀,冥通做到

雲海:咁不如我幫你用冥通銀行借啲畀你丫

騙徒:我唔使喇,留番自己用啦

雲海:我燒3億畀你呀

騙徒:留番你自己用啦

雲海:我都話燒3億畀你

騙徒:我唔使呀,我有錢用呀

雲海:你啲廣東話不如練正啲先啦

騙徒:唔ok咩?

雲海:唔ok喎

整段電話錄音長達近5分鐘,騙徒才以「我哋幫唔到你」為由,匆匆掛線。

鍾意就快D Share啦!