2015年8月16日 星期日

親手剪臍帶!陳曉東大爆細女係長腿妹 陳曉東,



東東話依家屋企有3條Queens,自嘲冇話事權。(圖中東東手抱大女)

next 1/1 pre

細囡有52cm長,睇嚟係長腿妹嚟架喎!

next 1/1 pre

藝人陳曉東微博公布再做爸爸嘅喜訊,太太王妤嫻昨日順產再誕下小公主,身在台灣的東東接受《東網》電話訪問,他笑說:「依家我有3條Queens,話事權愈嚟愈低。」再做爸爸的東東難掩喜悅,他說:「好開心,其實今次BB比預產期早咗,原先預產期係8月底,可能佢營養夠勁,所以早咗出嚟。」東東表示之前太太做產檢時,醫生已表示她今胎可能會早出世,所以他和太太早幾日飛到台灣待產,他說:「今胎同上胎都係入住同一間醫院。」

東東透露小女兒重約七磅半,跟大女兒出世時體重差不多,不過妹妹就比姐姐身長,有52CM,東東說:「我仲係第一次親手剪臍帶,雖然上次都有入產房,但今次我主動問醫生可唔可以剪臍帶,都幾緊張架。(剪得靚唔靚先?)剪得幾靚,齊口。」身為廿四孝老公的東東早就停工,專心陪太太待產,他謂:「呢幾日我會忙幫囡囡搞出世紙,又會搵師傅幫佢改名,之後又會飛返香港幫囡囡搞證件,雖然手頭上有幾部戲同有啲歌要揀,但我暫時都唔接住,我會陪太太坐月,想佢今次坐耐少少,好好調理吓,等身體復元得好啲。」

鍾意就快D Share啦!
Related Posts Plugin for WordPress, Blogger...