艾威去年約滿港視加入失業大軍行列之際，太太不幸子宮生巨瘤要動手術；原本艾威以為手術後會大步檻過，卻沒料到月前太太肝、腎突然出現積水和氣泡，肝臟更發大3、4倍，腎臟發大一倍，要再開刀做手術，結果前後3次手術共花掉艾威近百萬積蓄，幾乎令他一鋪清袋。然而，正當艾威頭頭碰着黑之際，有人竟願意向艾威雪中送炭，無條件送錢給他與太太度過難關，令艾威大為感動。
原來，艾威花百萬為太太醫病消息曝光後，除獲不少人致電問候外，前日有一位艾威久沒聯絡的同學，透過WhatsApp向艾威表示願意無條件送錢給他度難關，着艾威給他銀行戶口號碼直接入錢，惟因為近日電話騙案太多，艾威一度懷疑是騙子，直至後來親自聯絡求證，終證實對方是自己的小學及中學同學。
林子善致電問候
艾威前晚在電話中說：「有啲好到叫我講銀碼，話如果我有中銀戶口可以直接畀錢我，唔附帶任何條件，好似啲電話騙案咁。我後尾打番去，一聽就知係咪老友，你話人情冷暖，但我覺得暖多過冷。講番我呢個同學仔，我話盡量都唔想驚動啲朋友，我話記住先，如果真係有需要，再同你商量，都幾感動吓。唔單止同學，林子善都有問候我。」艾威指太太手術後肝、腎功能已回復正常，現接受中醫調理身體。
採訪：魯吉
|
鍾意就快D Share啦！
|
|
|
