《超強選擇一分鐘》大家贏唔贏到錢呀? 我就冇啦! 因為load極都load唔到個app! 我都唔知係大台個sever有問題，定係自己個network死咗!
Sever出問題，搞到節目一開始就甩碌，身為搞手嘅余詠珊出名小氣過方丈，梗係即刻搵人祭旗! 如果有追開呢個節目，就會留意到原本做主持嘅草蜢，變咗做黃翠如。係呀!又係黃翠如，一晚見三次，余詠珊愛將喎，就算黃翠如頻頻食螺絲都好，一樣帶到尾。
至於係《華麗明星賽》以及《快樂聯盟》做過主持嘅草蜢就被指唔夠班，仲以知道草蜢好忙為理由，話等第日有合適嘅工作先會搵佢哋!得罪方丈，冇得留低! 草蜢成為代罪羔羊，我就替佢哋唔抵囉!
