| 劉美娟與張崇德到醫院探望Quintus（右圖），劉美娟表示張栢芝住在醫院陪伴留院的Quintus。 | next 1/1 pre |
 | |
| 張崇德表示自己的孩子與張栢芝兩個囝囝年紀相若，所以經常一切玩。 | next 1/1 pre |
歌手張崇德（Peter）太太劉美娟在微博上載到醫院探望正在留院的張栢芝愛兒Quintus照片，5歲Quintus穿上睡衣坐在病床上，其小手緊握着張崇德一對仔女寫給他的親筆慰問卡。
劉美娟接受電話訪問時說：「因為我對仔女同栢芝對仔Lucas、Quintus年紀差唔多，所以成日一齊玩，我對仔女知道Quintus發燒，就話要為佢祈禱，想佢好快啲好番，仲畫咗張卡畀Quintus，因為醫院話唔適合畀12歲嘅小朋友去醫院探病，所以由我同Peter去送卡囉。」
問Quintus病情？她說：「佢好可愛，幾精神，都退咗燒，未知幾時出院，（Quintus周二晚入院，依家已經留院幾日，幾時可以出院？）醫生要留院一定有原因嘅，不過大家唔使擔心。」
估計Quintus受細菌感染
至於栢芝就全程留在醫院照顧愛兒，劉美娟稱栢芝好辛苦，因為要照顧Quintus，同時又要忙為接送長子返學。問栢芝的情況？劉美娟說：「栢芝都好好，但小朋友病，做父母一定擔心。」問可見過謝霆鋒及謝賢等來醫院探病？劉美娟謂自己只探了一次病，未撞見霆鋒及謝賢，但臨走時就遇見栢芝媽來探孫們。
另外，Peter在電話中表示Quintus已經退燒，但小朋友很容易有「翻燒」可能，如果醫生指Quintus須繼續留院就應依照醫生指示做：「咁留院係最安全，因為怕小朋友半晚突然發燒，再搵醫生就好麻煩。」問覺得Quintus狀況如何：「OK，精神都係咁上下啦，住得醫院，但大家唔使擔心，有媽咪陪住嘛。」問Quintus患何病？Peter說不清楚，估計是細菌感染。
|
鍾意就快D Share啦！
|
|
|
