集集都送獎金，送禮品喎! 照道理應該好多觀眾支持㗎! 成個SHOW玩直播，同大台以往錄影節目完全唔同，余詠珊諗住搵草蜢、森美、錢嘉樂做司儀，一定冇死!
余詠珊諗住靠呢個節目領功，一於用銀彈政策，搵埋一班小生花旦出騷! 就連平時都唔上遊戲節目嘅陳豪，都俾面上節目! 陳豪都出埋，連有線愛將松岡李那同陳嘉恒都唔放過。
啱啱先係有線做過旅遊節目，轉頭又過嚟無綫，死敵樂易玲即時向監製詐型啦! 黃翠如集集都講唔啱啲獎品，就連錢嘉樂同森美都忍唔住係個節目話佢，咁又點? 余詠珊愛將喎! 佢就算成碌木企係度，一樣無問題! 捧自己友捧到出晒面!
余詠珊領唔領到功，我就唔知啦! 淨係知佢四圍辣火頭啫!
