掃呢頁CODE去手機

2015年9月23日 星期三

蕊蕊冧金剛焗定心餅 蕊蕊,金剛,陳蕊蕊,

蕊蕊不乏裙下之臣,但她用情專一。

蕊蕊冧金剛焗定心餅

歌手蕊蕊與男友金剛拍拖兩年感情穩定,其實蕊蕊身邊一直都有不少狂蜂浪蝶,但她不為所動,只因最愛金剛!趁中秋前夕,蕊蕊化身性感玉兔,大騷三吋「事業線」冧金剛,更透露兩人將留港與朋友齊齊賞月慶中秋,並計劃下年學整月餅,實行以「定心餅」冧男友。

歌手蕊蕊去年成為寫真女王後,人氣急升工作不停,更殺入電影圈拍電影做女主角。樣子甜美的她,擁有34F「Big」爆身材,與男友金剛拍拖兩年,感情亦十分穩定,但據知其實蕊蕊身邊不乏裙下之臣,一直發動攻勢力追伊人,除出動鮮花及銀彈外,又不時噓寒問暖,令蕊蕊不勝其煩,她說:「身邊其實都唔少朋友追我,都有生意人同金融才俊,不過我對佢哋一啲感覺都冇,當佢哋係普通朋友!(點追你?)都係送花、send訊息畀我,不過我有時要做嘢就唔係好得閒理佢哋!試過最誇張有個追求者不斷約我食飯,我都拒絕唔出嚟,最後佢等我收工,我就叫朋友過嚟接我,幫我解圍!」

感情事零隱瞞

早前有指蕊蕊曾孖住男性朋友夜蒲,但蕊蕊坦言兩人是好友關係,她說:「嗰個真係朋友嚟,大家冇嘢o架,其實平時我都好少去蒲!」雖然如此,蕊蕊面對追求者都不為所動,原因只是一條心對金剛!

蕊蕊化身萌爆玉兔,只為討男友金剛歡心。
  • 蕊蕊化身萌爆玉兔,只為討男友金剛歡心。
金剛
  • 金剛

蕊蕊趁中秋佳節前夕,身穿性感低胸連身裙化身玉兔,大騷三吋「事業線」冧金剛,更擺出多個賣萌甫士,實行要電暈男友。蕊蕊透露與金剛向來十分獨立,但他對自己的感情事仍十分着緊,故她特意大派定心丸說:「唔多唔少佢都知道我有人追,呢啲嘢我當然同佢講,唔會隱瞞任何嘢,唔想大家之間有咩誤會。」

中秋拍拖BBQ

問到兩人今年如何度中秋?蕊蕊說:「今年會留喺香港過,一早已經約晒朋友中秋節正日去BBQ,玩燈籠、食月餅、賞吓月,平平淡淡咁過,一樣咁開心!」

自言從未整過月餅的蕊蕊,坦言下年希望可以報興趣班做美女廚神:「下年都可以報班試吓整月餅,我都未試過,應該幾好玩!(整完畀金剛食?)佢梗係要捧場啦,不過到我成功先算」

文:專案組

攝:張福宏

場地:Paperclip

鍾意就快D Share啦!