掃呢頁CODE去手機

2015年9月23日 星期三

秀智撇甩男友低調抵台 為小豬拍新歌MV 小豬,羅志祥,miss A,秀智,



【韓流】秀智撇甩男友低調抵台 為小豬拍新歌MV

2015-09-23 08:00:00



台灣《蘋果日報》圖片

「國民初戀」秀智一向深受宅男歡迎,不過佢今年3月同韓國男廠李敏鎬公開戀情,令到唔少宅男夢碎,點知佢哋只係短短拍咗六個月拖,噚日韓國方面就傳來佢哋分手嘅消息,話佢哋因為聚少離多關係,最終決定分手做返朋友。當噚日消息一傳出後,即時轟動韓國娛樂圈,而佢哋兩人所屬嘅事務所亦都急急出嚟回應,雙方都否認分手傳聞,仲強調佢哋0依家交往得好好。

雖然傳出分手,但無損秀智BB嘅工作,原來佢前晚仲低調飛到台灣,為同屬環球音樂嘅台灣歌手羅志祥(小豬)拍攝新歌MV,而噚日佢就喺內湖利達片場開工,從下晝一直拍到深夜。秀智噚日薄施脂粉、穿上破牛仔褲同埋寬鬆白襯衫、揹住個粉紅手袋,打扮得好簡單,反而佢個造型師打扮得仲有星味,而且有幾分似秀智,即時成為焦點。

小豬噚天下午先到達片場,佢下車前已有大批粉絲等候,佢嘅保母車仲被人潮堵住喺車道口無法動彈,戴住墨鏡同黑色口罩嘅小豬急急下車後,就從停車場走到片場,因不斷有閃光燈,佢助手即大喊「唔好拍照」。而秀智方面亦有韓方嘅工作人員戒備,為免秀智曝光,工作人員舉行大傘遮住秀智個樣,但仍隱約見到秀智一臉倦容。

而秀智嘅男友李敏鎬噚日先從意大利返韓國,一對情侶又因為工作而分開異地,難怪成日傳出情變。



秀智現身時保安好嚴密,遮到見唔到秀智



秀智個造型師打扮仲似明星



造型師都有幾分似秀智



小豬匆匆上車



噚日驚爆秀智同李敏鎬分手

鍾意就快D Share啦!