香港酒吧已好少有 Live Band 。上星期 ，《壹》仔就同一個喺夜場唱歌嘅女歌手傾偈，分享當中苦與樂。佢叫做 Jo Jo，今年二十五歲，已經唱咗兩年。
佢同《壹》仔講 ，十五歲出道做靚模 ，之後被經理人推薦登台唱歌，繼而成為夜場歌手，「講到底，係酒廊唱歌，其實為咗掌聲，每唱完一首歌我希望得到掌聲。」她享受被眾人注視欣賞，「現場反應係正好多，滿足感大啲，登台同唱現場幾相似，啲人覺得你好聽會即刻俾反應、拍掌，甚至跟住一齊唱，成功感大好多。」
點解唔簽大公司？佢謙虛話希望練好基本功先。不過佢又覺得香港樂壇再難救，「電視見到的全部都係靠包裝，靠好多野堆砌到好靚，但我地冇太多資源包裝，我地真係唱現場，一錯就冇架喇，所以我覺得地下歌手真係用表演嚟磨練自己，每一次表演都要係最好。」
在夜場做歌女一點也不易，間中被一些扮「無知」的客人抽水，「有啲攬下腰，搭下膊頭都有，（難受嗎？）都會難受，我會覺得，雖然我係呢啲地方唱歌，唔代表我係要俾你摸嘛，我唔係嗰啲女仔，我係一個歌手，會覺得有少少不受尊重囉，都唔開心㗎」但食得鹹魚抵得喝，唯有執生走位避開。幸好經理人每晚旁住，而且酒廊消費較貴，中產熟客居多，一般都好禮貌。
不過話說回來，Jo Jo都希望有一日能夠唱屬於自己嘅歌，而非唱別人口水尾，所以她正在積極學做DJ打碟及跳舞，為機會來臨前作好準備。
撰文 ：羅鈺歡
攝影 ：金文
佢同《壹》仔講 ，十五歲出道做靚模 ，之後被經理人推薦登台唱歌，繼而成為夜場歌手，「講到底，係酒廊唱歌，其實為咗掌聲，每唱完一首歌我希望得到掌聲。」她享受被眾人注視欣賞，「現場反應係正好多，滿足感大啲，登台同唱現場幾相似，啲人覺得你好聽會即刻俾反應、拍掌，甚至跟住一齊唱，成功感大好多。」
點解唔簽大公司？佢謙虛話希望練好基本功先。不過佢又覺得香港樂壇再難救，「電視見到的全部都係靠包裝，靠好多野堆砌到好靚，但我地冇太多資源包裝，我地真係唱現場，一錯就冇架喇，所以我覺得地下歌手真係用表演嚟磨練自己，每一次表演都要係最好。」
在夜場做歌女一點也不易，間中被一些扮「無知」的客人抽水，「有啲攬下腰，搭下膊頭都有，（難受嗎？）都會難受，我會覺得，雖然我係呢啲地方唱歌，唔代表我係要俾你摸嘛，我唔係嗰啲女仔，我係一個歌手，會覺得有少少不受尊重囉，都唔開心㗎」但食得鹹魚抵得喝，唯有執生走位避開。幸好經理人每晚旁住，而且酒廊消費較貴，中產熟客居多，一般都好禮貌。
不過話說回來，Jo Jo都希望有一日能夠唱屬於自己嘅歌，而非唱別人口水尾，所以她正在積極學做DJ打碟及跳舞，為機會來臨前作好準備。
撰文 ：羅鈺歡
攝影 ：金文
|
鍾意就快D Share啦！
|
|
|
