【蒙民偉女兒】珮兒英國會考13A 笑言未夠靚選港姐
2015-09-23 07:30:00
(攝影：羅慧敏)
有「電飯煲大王」之稱嘅蒙民偉逝世5周年，佢嘅慈善基金今晚喺尖沙嘴文化中心搞咗個慈善音樂會，蒙民偉遺孀王蓓芬同囡囡珮兒喺現場打點同招呼朋友，蒙太話：「蒙生生前好鍾意古典音樂，亦都贊助過好多音樂會，好似郎朗、李雲迪等，佢非常鍾意音樂，所以慈善基金會就舉行呢個音樂會。」
已經去咗英國讀書嘅囡囡珮兒，向來讀書都好叻，喺3年前英國會考考獲13A成為狀元，o依家已經入咗劍橋大學讀經濟二年級，珮兒話：「過幾日就會返去，本來之前學校有迎新日，但係好想出席紀念爸爸呢個音樂會。」問到畢業後係咪想做生意？珮兒話：「未諗咁多。」咁身為狀元嘅佢，有冇諗過參選港姐？佢同媽媽都笑住擰頭，珮兒話：「我仲未夠靚。」
至於朱潔儀就為音樂會做司儀，佢話為咗慈善，唔收錢都冇所謂，加上今次係一個有關音樂嘅紀念活動，會幫佢畫畫創作帶嚟靈感。
蒙民偉遺孀王蓓芬及女兒珮兒
珮兒笑言自己未夠靚選港姐
朱潔儀
|
鍾意就快D Share啦！
|
|
|
