掃呢頁CODE去手機

2015年9月23日 星期三

林敏驄爆seed:「見到邵音音就嘔!」 林敏驄,邵音音,



林敏驄為人係點?相信大家好清楚亂噏嘢係佢本性。日前佢聯同何超儀、邵音音、劉浩龍等現身東京出席「下町喜劇影画祭」宣傳《全力扣殺》。喺首映禮完咗嘅一個問答環節上,戲中林敏驄嘔足成分鐘一幕搶盡鋒頭,有小朋友觀眾問佢:「點解大師(林敏驄)嘔得咁核突?」佢一臉認真咁話:「我有個心得,係每日跑十個圈,早午晚都跑,仲要食住飯跑,咁就嘔到出嚟!」當大家笑到趴街之時,林敏驄再爆seed:「最重要係見到佢(指住邵音音)就嘔!」想笑死人咩!

另外,臨完場,林敏驄再一次多謝觀眾,但都唔慌係正經嘢:「我好開心可以嚟日本,今日我帶咗香港最靚嘅靚女嚟(指何超儀同邵音音),節目完咗之後我將佢哋留低俾大家。」
何超喺當地有一定知名度,行紅地氈期間,不斷俾日本粉索簽名同握手,但佢來者不拒。
唔搞事唔安樂嘅阿驄,淨係身上件「虛弱體質」tee,已經想打佢乎?
冇乜人識嘅劉龍全程做佈景板咁滯,發呆是常識吧!
鍾意就快D Share啦!