| 祖兒同克勤一齊無悔意表示唔會用歌酬找數。之後，祖兒仲笑住講歌酬已存入做定期。 | next 1/1 pre |
 | |
| 祖兒解釋呢次演唱會係講愛情，所以令佢唱得投入。咁祖兒一時唱得感觸都好正常嘅！ | next 1/1 pre |
 | |
| 克勤同祖兒全晚都唱得好投入，簡直係101分呀！ | next 1/1 pre |
 | |
| 唱得咁好，粉絲們當然有所表示送花畀偶像！ | next 1/1 pre |
 | |
| 睇下克勤笑得咁開心，就知幾咁滿意今次個騷。兩人受訪時，仲表示被罰20萬都冇所謂！ | next 1/1 pre |
 | |
| 嘩！祖兒力的表現抱實克勤，男方完全冇有怕，唔驚會跌落地。 | next 1/1 pre |
 | |
| 克勤同觀眾握手。 | next 1/1 pre |
 | |
| 劉浩龍喺Panel睇實女友祖兒全晚嘅表演。 | next 1/1 pre |
 | |
| 劉浩龍豎起手指公讚Good Show！ | next 1/1 pre |
 | |
| 睇下祖兒開心到笑到見牙唔見眼！ | next 1/1 pre |
 | |
| 嚟張合照先！ | next 1/1 pre |
 | |
| 祖兒同克勤受訪時，表示之後兩人會到外地開騷。 | next 1/1 pre |
 | |
| 大合照！ | next 1/1 pre |
 | |
| 蔡卓妍（右）收拾心情睇祖兒同克勤個騷。資料圖片 | next 1/1 pre |
 | |
| 克勤話完騷後，朝早會送兩位乖仔返學。資料圖片 | next 1/1 pre |
容祖兒（Joey）與李克勤一連十二場的《容祖兒李克勤演唱會2015》圓滿結束後，兩人到後台接受訪問，談到演唱會超時要罰20萬？Joey坦言：「差唔多！因為我同克勤都冇試過唱到咁夜。」而克勤則表示，演出後的早上答應送仔仔上學，Joey則笑說應該Encore至早上，讓他直接送仔仔上學：「其實係我哋唔捨得個舞台，觀眾又唔捨得走（第一個Encore完嘅時間係11點50幾分）都夜過我哋平時，係玩得夜咗嘅，好似去咗（唱）卡拉OK咁但要罰錢。」克勤則說：「我哋真係有好多歌未唱，預備咗一噸，但老細都開心嘅，我哋一啲悔意都冇！」
新年去拉斯維加斯開騷
問到會否用歌酬找數？他們一致表示：「佢就想！」Joey笑指歌酬已存入定期並說：「佢哋身家雄厚係要回饋吓歌迷。（可能你哋應承開Part2咪唔扣！）唔知呀，未有呢個指令。（巡迴呢？）新年可以去拉斯維加斯，好開心呀因為佢會同佢家人一齊去，我又帶埋媽咪去。（帶埋『巨龍』囉，新年可以『舞龍』）外國地方唔興架！」而克勤在旁則一臉睇好戲說：「我冇出過聲！我淨係反應啫！」平靜後Joey續道：「到時好似免費請我哋去遊埠，克勤每年都會去旅行，除咗舞台上係最佳拍檔外，佢旅行都係好腳，佢識飲識食嘛，依家仲好唔使錢，仲有錢賺，帶我哋環遊世界。」克勤說：「好似唔係完結，有美（國）嘅都會有加（拿大）同埋內地。（似左麟右李咁樣？）隨緣最好長做長有！」
克勤差啲被拉落台
談到兩人今日開騷都有小意外發生，Joey解釋：「因為今日錄影，佢哋畀多兩錢肉緊落雪，搞到個地好滑，踩上個台就差啲跣親，但我食過夜粥，一個反身就繼續。」克勤則在握手位差點仆倒，他笑言：「我見個哥哥仔年紀有番咁上下，冇諗過咁勁（你畀佢拉到？）係呀！畀佢吸咗入去。」提到兩人另一半都有到場支持，Joey則反問記者在哪兒，當記者答劉浩龍在Panel時，她表示自己看不到，問到是否想對方上台獻唱？她甜笑說：「唔使，我覺得咁樣支持最好。（場場都有嚟？）有時間都有嘅。（但你唱《心淡》有感觸喎！）咁成世咁長，唔單止自己經歷，身邊朋友都有經歷。（講緊蔡卓妍？）唔係，唔好對號入座，咁有唔同成長感受，今次呢個演唱會講愛情，係令我投入嘅原因，每日都經歷愛情唔同高低起伏，覺得自己似演緊一場又一場戲。」最後問到有否安慰好友蔡卓妍？她說：「我覺得所有嘢佢知，因為做朋友永遠喺心入面支持，佢尋日嚟我覺得好開心，克勤仲送咗首歌畀佢。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
http://www.facebook.com/onccstars
|
鍾意就快D Share啦！
|
|
|
