2016年2月11日 星期四

踎低執平貨 袁彩雲肉緊殺價 [壹週刊 - 1353] __,袁彩雲,M1,

嫁人收山後,袁彩雲移居溫哥華,最近返港過年,一家三口行花市辦年貨。娛樂偵訊踎低執平貨 袁彩雲肉緊殺價09年嫁給從事金融業的男友Anthony後,袁彩雲嫁雞隨雞,移居溫哥華,前年更做埋媽咪,誕下B女Alycia。今個農曆新年,袁彩雲一家三口返港探親,趁住花市期,同老公帶埋囡囡去維園行花市辦年貨。養尊處優多年,袁彩雲外觀並無大變,但為咗執平貨,逼入花檔踎低左揀右揀,揀啱又同老闆講價,講到咬牙切齒,正宗 ...


嫁人收山後,袁彩雲移居溫哥華,最近返港過年,一家三口行花市辦年貨。

娛樂偵訊

踎低執平貨 袁彩雲肉緊殺價

09年嫁給從事金融業的男友 Anthony後,袁彩雲嫁雞隨雞,移居溫哥華,前年更做埋媽咪,誕下 B女 Alycia。今個農曆新年,袁彩雲一家三口返港探親,趁住花市期,同老公帶埋囡囡去維園行花市辦年貨。養尊處優多年,袁彩雲外觀並無大變,但為咗執平貨,逼入花檔踎低左揀右揀,揀啱又同老闆講價,講到咬牙切齒,正宗 C9!

四張冇走樣

婚後移居加拿大的袁彩雲,前年突然傳出她老公在溫哥華經營的餐廳蝕入肉,搞到欠租九個月,被入稟追討七十六萬加幣(約五百六十萬港元),之後袁彩雲一家冇晒音訊!

直至今個農曆年,舉家返港,更一家三口到年宵市場辦年貨。

當日下午三點,袁彩雲同老公推住兩歲 B女,到銅鑼灣維園行花市。踏入四十歲,淡妝之下的袁彩雲,樣貌身材都冇走樣。兩歲囡囡 Alycia,眼仔碌碌,皮膚白雪雪,同媽咪一個餅印,全程坐喺 BB車,冇扭計!

做慣師奶仔,袁彩雲唔怕同人迫,踎喺花檔睇花揀花盆,冇有怕。

行行吓,袁彩雲同老公玩 selfie。

兩歲 B女 Alycia,白白淨、眼大大,個樣勁似媽咪。

等到呆晒

一行人在花市的濕貨區不停兜圈睇年花,其間袁彩雲充分發揮師奶最強本色,走勻花檔,逐檔格價。

有目標後,袁彩雲唔理三七廿一,交低囡囡俾老公照顧,自己逼入檔口,搵個靚位,踎低揀花盆,逐個逐個拎上手睇。

終於揀啱心水!袁彩雲開始運勁,同老闆講價,你來我往,講到鬼咁肉緊!之後又拎住個花盆驗屍咁驗,睇吓是否有瑕疵,最後成功殺價,成交!

殺價搏老命!袁彩雲老公推住 BB車,企在檔外食風等到呆晒。之後兩公婆再去揀水仙和臘梅等年花,行行吓,又停低用手機自拍,完全沒有因為花市多人而不習慣。

逗留了個幾鐘, B女亦玩到冇晒電瞓着覺,袁彩雲見戰利品已塞滿架 BB車,走得!

揀中黃色水仙花盆,袁彩雲同檔主講價講到咬牙切齒。

袁彩雲細心 check花盆,確保冇瑕疵。

行咗粒幾鐘,阿女玩到冇電瞓着。

96年選港姐奪季軍的袁彩雲同而家相比,樣貌同身材都冇乜變, keep得好!

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...