2016年2月25日 星期四

劉向蕙返大馬拜外公 劉華朱麗倩前後腳 [壹週刊 - 1355] __,朱麗倩,劉向蕙,劉德華,劉華,M1,

上週朱麗倩帶埋Hanna出發返大馬拜祭公公婆婆。探熱針劉向蕙返大馬拜外公 劉華朱麗倩前後腳寶貝女劉向蕙(Hanna)五月便四歲,劉華對愛女採取的保護政策,始終如一;Hanna返學要遲到早退外,還出動保鑣、工人護B,完全密封!上週,朱麗倩帶埋Hanna返馬來西亞老家拜祭公公婆婆,事前做足準備功夫,除了避開新年旅遊旺季確保低調外,劉華更刻意要同妻女分開起行。兩母女現身機場出發當日,朱麗倩發現記者時,表 ...


上週朱麗倩帶埋 Hanna出發返大馬拜祭公公婆婆。

探熱針

劉向蕙返大馬拜外公 劉華朱麗倩前後腳

寶貝女劉向蕙( Hanna)五月便四歲,劉華對愛女採取的保護政策,始終如一; Hanna返學要遲到早退外,還出動保鑣、工人護 B,完全密封!

上週,朱麗倩帶埋 Hanna返馬來西亞老家拜祭公公婆婆,事前做足準備功夫,除了避開新年旅遊旺季確保低調外,劉華更刻意要同妻女分開起行。

兩母女現身機場出發當日,朱麗倩發現記者時,表現鎮定,若無其事繼續同身邊人傾偈,仲罕有地露出笑容,天王嫂突然大方!讚!

請假唔返學

正在趕拍電影《王牌對王牌》的劉德華,曾打算農曆新年陪妻女返大馬老家拜年。但一家三口出動實在礙眼,諗過度過,最終打消原意;改由朱麗倩帶同囡囡先行動身,待妻女返港後,三月初劉華再單拖起行,飛返大馬,順道拜祭外父外母。

「唔揀過年去,因為明知假期機場多人多記者,惟有幫囡囡向學校請幾日假,正月十三先出發,去四日就返。華仔留喺香港拍戲,之後要飛歐洲再拍多一個禮拜,返嚟先自己一個飛大馬,因為佢習慣咗年年都返去嗰邊拜吓外父外母。

「雖然 Hanna都咁大個,但華仔始終唔想一家三口一齊喺公眾地方出現,因為會混亂,佢最驚係嚇親個女,佢仲成日同身邊啲人講,話如果喺街度見到,記得叫佢 Hanna好喇,唔好大叫劉德華個女!」知情者說。

為確保低調,劉華一家返大馬探親,刻意避開新年旺季,甚至前後腳出發。

就快四歲的 Hanna大個女咗,但一樣咁靚女,全程攬實工人,勁嗲!

戴住口罩的朱麗倩,同囡囡全程保持距離。

若無其事

天王女出遊,例牌大陣仗!上週六(二月二十日)早上七點半,朱麗倩帶住 Hanna,在兩名保鑣、工人同助手護駕下現身機場。快將四歲的 Hanna長高了,頭髮也長了不少,眼大鼻高,正如劉華所講:「點睇都係一個靚女!」

著住藍色羽絨、牛仔褲加波鞋,頭上夾住髮夾仔的 Hanna,全程眼仔碌碌,不停兩頭望,非常得意。

兩名保鑣做先頭部隊,到出境大堂,幫事頭婆辦好行李寄艙手續,之後再到閘口附近巡察。確保安全後,工人便抱住 Hanna落車,由保鑣陪同行先,戴住口罩尾隨的朱麗倩,全程刻意同囡囡保持幾個身位。

一行六人浩浩蕩蕩入閘,沿途 Hanna不停八卦四圍望,人仔細細,但相當眼利,見到記者影相,更好奇地望實記者鏡頭,眼都唔眨,萌爆!

過不久,朱麗倩亦發現記者,以往一定響警號,派保鑣又遮又擋兼運路走的她,今次卻一反常態,淡定到若無其事,繼續同身邊人有傾有講,大方笑住任影。

Hanna四圍望,見到記者鏡頭,眼定定望實唔眨眼。

搭無人駕駛人逼人,其間朱麗倩撞到劉華粉絲,友善打招呼傾偈。

校到最後一秒,一行人先急急腳上機。

手戴佛串

一行人坐無人駕駛列車前往閘口準備登機,沿途朱麗倩撞到幾名劉華忠實粉絲,又笑晒打招呼,好友善。上到列車, Hanna嗌熱,朱麗倩同工人夾手夾腳幫她除下羽絨,換上牛仔褸,只見 Hanna的手上原來戴住一條黃色小佛珠串。

其間, Hanna不停口噏噏搵人傾偈,又伏在工人膊頭,嗲到爆!見未夠鐘,一隊人於是到機場的貴賓室等,兩名保鑣則繼續守在門口巡視;直到最後一刻,才急急腳行去閘口登機。

「今次係 Hanna出世之後,第二次返媽咪鄉下,不過今次係第一次去拜公公婆婆,朱麗倩啲家姐就成日嚟香港探佢哋,舊年聖誕先嚟住咗半個月,今次帶 Hanna返去,順便見吓嗰邊啲親戚。」知情者透露。

去年朱麗倩生日抱埋 Hanna飛北京探老公班期間,在當地的朝陽公園遊覽。

去年 6月, Hanna第一次返大馬媽咪娘家。

近月劉華正同黃曉明趕拍電影《王牌對王牌》,完成後就會飛大馬拜祭外父外母。

朱麗倩佗 B時,細妹專程由大馬飛到香港陪伴。

同 fans拜年

對 Hanna高度設防,但對視如「家人」的 fans,劉華開始豁出去,每逢聚會,都帶埋妻女現身。大年初二,劉華開放位於九龍灣的公司,讓粉絲出席團拜活動。據知,當日朱麗倩同 Hanna都有亮相,其間 Hanna仲開金口,同粉絲們講「新年快樂」。

逐一向粉絲派利是期間,劉華搞笑話:「今年啲利是冇跟通脹,下年補番!」原本打算叫 Hanna先返入後台,但囡囡極黐身,樹熊一樣擒住老豆唔放,要天王老豆又呵又氹, Hanna先肯跟媽咪走。

「今年有成千 fans排隊上去拜年,一共分咗三個時段。大嫂(朱麗倩)同 Hanna三場都有上台,阿嫂第一次開聲講嘢,同大家講咗『身體健康』, Hanna就講『新年快樂』,但仲係好怕醜,講得好細聲,之後華仔氹極佢都唔肯再講。」一名有份在場的 fans說。

大年初二,劉華向粉絲大派利是,當日朱麗倩同 Hanna亦有到場。

09年,朱麗倩父親過身,劉華飛大馬奔喪,第一次確認朱麗倩的身份。

逐步放寬

12年,天王女劉向蕙( Hanna)出世後,劉德華嚴守防線,出盡法寶以防女兒容貌曝光,直至去年,劉華終於大解放,轉口風逐步公開小 Hanna真面目。

搬安全屋

對家事絕口不提的劉德華, B女出世半年從未曝光, 12年被揭發住加多利山後,為避傳媒耳目,一家三口即以 17萬租金,租住尖沙咀服務式住宅聽濤閣,更將保安升級,保鑣人數原本由四個增至十個。

「遮陣」護駕

劉向蕙出世兩個月,要到中環診所打預防針,為免愛女樣貌曝光,劉德華安排四名保鑣護駕,更吩咐大廈保安組成「遮陣」,全面阻擋記者鏡頭。

旅遊慶祝

去年,劉華安排兩母女速遞到北京一齊慶祝朱麗倩四十九歲生日, B女收埋三年,首次曝光,天王女出巡,有助手、保鑣、兩工人組成五人護 B團,大為緊張。

公開見歌迷

14年,劉德華在歌迷會中開出期票,承諾待女兒三歲時讓大家見面。事隔一年,劉華兌現承諾,在九展舉行廿七周年會慶,天王女終於現身,與過千粉絲見面,每個入場粉絲都要 check袋兼查身份證,嚴禁帶相機,不能使用電話,安全措施嚴密。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...