探熱針
講呢啲 演員應該是這樣的 許鞍華
《色戒》令湯唯一裸成名，她的名字似乎就等如藝術和深度，很多《黃金時代》的宣傳訪問，傳媒也集中報導她如何為了感受角色去捱餓、折磨自己。對此，電影導演許鞍華坦言感覺好奇怪，「其實係佢哋行入面應該做嘅嘢，依家嘅風氣係個演員吃吓苦、
換個髮型，就好似好特別咁。」
演員用盡方法揣摩角色，就好似女人天生貪靚，平實如許鞍華也不例外。話說做訪問當日時間緊逼，我們做好心理準備，許鞍華一出現即埋位開機、拍照、做訪問，意料之外是，許導演甫進來，第一句就問：
「我個妝 OK嗎？」攝影師將鏡頭轉向她，許鞍華將攝影機當鏡來照，之後就皺眉說：「嘩！好過唔化啦，俾我搽番啲唇膏先。」
唔怕冷門
許鞍華訪問時心情靚靚，個人相信好大程度，是與《黃金時代》今年代表香港角逐奧斯卡最佳外語片有關，「係開心同榮幸嘅，希望有機會入圍。」尤其她今次選拍的是冷門到呢，幾乎十個人有九個香港人都不認識，與魯迅亦師亦友的民國傳奇女作家蕭紅。許鞍華聞言，邊笑邊帶點譏諷說：「唔一定要熱門作家先拍佢一生吓嘛？就因為佢唔係熱門，更值得拍囉！可以推廣佢，因為佢真係一個好有才華嘅作家，但暫時未係咁多人識囉。」不覺得太冒險？「無論係 popular同唔 popular嘅作家，拍作家嘅題材都係冒險㗎，一般人對作家唔係好有興趣。」
今次許鞍華起用湯唯做《黃金時代》女主角，是覺得她有獨特的氣質，「好似一個好 special嘅人，佢做蕭紅，會順理成章演得好，好可信。」結果是否如許鞍華所願？「我嘅評價就係，就算佢唔係做得幾好，但都冇人好得過佢嘞。」即係唔多滿意？「我滿意，我當然滿意因為佢個角色好難做。」
很多人將焦點放在湯唯為演繹、感受角色刻意捱餓、禁食，其中一場在橋上仆倒的戲，她又主動要求再拍，當別人都將光環套在她頭上，許鞍華卻說這是作為演員應該做的，「我反而聽傳媒問得多，覺得有少少奇怪囉，體驗生活，去餓自己為咗拍戲逼真，其實呢種喺佢哋呢行入面應該做嘅嘢，唔係咁奇怪嘅事。我知以前有個女仔為咗拍暴露戲，特登去做個假胸，咁妳話佢敬業定係傻呀？」她說現在娛樂圈的風氣好奇怪，只要演員捱吓苦、換個髮型，就好似好突出，「最好就係佢哋自願做，好似湯唯佢自己捱餓，佢唔捱餓，可能我就要去逼佢囉。」雖然有評湯唯表現無驚喜，許鞍華仍睇好她有機會做影后，「我梗係覺得佢得㗎，但妳問我唔 fair囉，因為我係導演嚟嘛！我好少對個演員要求咁大，佢喺套戲佔嘅比例好大，唔容易討好，好易穿崩。」
黃金英倫
至於演員的私生活，許鞍華一於少理，「佢係拍完晒戲，幾乎配完晒音先結婚喎。」電影宣傳有影響嗎？「我做導演只係拍套戲咋，宣傳嗰啲唔關我事，我唔係佢結婚都要問過我嗰種（導演），我唔會囉，佢都有俾期宣傳，如果妳話佢結咗婚，啲觀眾唔睇佢，依家都冇咁嘅事啦。」
《桃姐》屢獲國際大獎，又成為香港電影金像獎大滿貫作品，口碑和票房兩者兼得，今日《黃金時代》又獲代表香港出戰奧斯卡，以為這應該是許鞍華的黃金時代吧，誰知她笑咪咪說：「我嘅黃金時代，可以話係去咗倫敦讀書嗰兩年，又唔使負責任，好開心囉！」
|
鍾意就快D Share啦！
|
|
|