[壹週刊 1281] 甘做小三七年 周家怡當街啜爆林國斌 周家怡,林國斌,M1,

林國斌同周家怡返港當日，前後腳出閘，高度戒備。

探熱針

甘做小三七年　周家怡當街啜爆林國斌

同佘詩曼 friend過打 band的周家怡，年前由大台跳槽港視，但一套劇都未有機會播，已經約滿。事業冇前景，但同動作演員林國斌的一段情，反而打風打唔甩。本月初，林國斌飛台灣出席有份客串的電影《等一個人的咖啡》慶功宴，大得閒的周家怡亦做跟得女友伴遊。

據知，林國斌背着同居廿年的正印女友，與周家怡已暗交七年；戀情不宜見光，兩人由台灣返港，亦刻意前後腳，分頭行去停車場會合。林國斌親自揸車送周家怡返回黃大仙住所，臨上樓，周家怡依依不捨，摸黑啜爆。

孖咇遊台

現年五十三歲的林國斌棄影從商多年，早前復出為台灣作家九把刀監製的電影《等一個人的咖啡》客串大師兄一角。電影在當地衝破二億票房，本月初舉行慶功宴，林國斌亦親自飛到台北出席。忙完公事翌日，有香港旅客在西門町遇見林國斌，同行還有個戴鴨舌帽的素顏女子，兩人原本有講有笑態度親暱，但當聽到附近有人講廣東話，即時彈開，明顯有所忌諱。

「林國斌個樣都冇變過，一眼就認得出啦，反而佢身邊個女仔成日拉低頂帽，望咗好耐先知原來係阿佘個 friend周家怡。」目擊的香港旅客透露。

臨上樓前，難捨難離的周家怡主動摸面啜爆林國斌。

林國斌揸車送周家怡返回住所，見附近人少，兩人放低警覺密密斟。

暗黑啜爆

本月八日，台灣之旅結束，林國斌同周家怡晚上十時孖咇返到香港，男方一馬當先急步離開禁區，出到機場入境大堂，先回覆短訊打電話後，才拖着行李行去停車場，其間，不斷四圍望。約廿分鐘後，繼續以鴨舌帽遮面的周家怡出現，同樣警覺的她，邊行邊望。

時間剛剛好，林國斌將車駛近路口時，周家怡就行到第一時間上車。送周家怡返到黃大仙屋企後，林國斌有風度地為女友卸下行李；凌晨時分，大廈附近行人稀少，兩人放下戒心，在車旁傾了一陣，臨上樓前，周家怡還摸住男友臉龐，肉緊地送上 goodbye kiss。

林國斌和周家怡在機場停車場會合後，同車離開。

○七年林國斌同周家怡在旺角撐枱腳斷正，但女方死口否認戀情。

本月初，林國斌和周慧敏飛到台灣，出席九把刀（左二）監製的電影《一個人的咖啡》慶功宴。（《忽然 1周》圖片）

今個月約滿決定離開港視的周家怡，去年聖誕與馮素波（左二）等人出席港視聖誕晚會。

七年小三

與梅艷芳拍拖轟動一時的林國斌，早於○七年已被人發現揸住黃色波子，接載剛拍完《火舞黃沙》，在劇中做「兔唇女」的周家怡到旺角茶記撐枱腳，但當時女方死口不認戀情：「唔係，大家識咗好耐，係朋友。（有冇機會發展？）唔會囉，點會咁爆呀！」

據了解，周家怡知道林國斌有個同居多年的女朋友，戀情不便見光，要做暗女友，但周家怡心甘命抵，已做小三七年。

「 Catherine（周之洋名）好冧阿 Ben（林國斌），佢知道個男人唔會同個女友結婚，所以一直咁等，希望可以有日坐正，估唔到一等就七年。」周家怡身邊人說。

兔唇女起朵

現年 35歲的周家怡， 96年訓練班畢業後加入無綫，捱足十年，一直做二打六。直至 06年接拍重頭劇《火舞黃沙》，在劇中飾演兔唇女「茅小琴」才為人識，但隨着劇集播完，人氣亦火速打回原形。工作無進展，反而是非一單接一單。 02年，周家怡與胡杏兒拍攝外景時，被對方一口咬定偷電話，搞到要驚動警方； 09年無綫發生魔術鹹豬手疑雲，官恩娜踢爆早年出埠拍劇時，曾有已婚男藝員借醉行兇非禮女藝員，有傳受害者是周家怡，男主角則是郭政鴻。

鍾意就快D Share啦！

下一篇 》