網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月25日 星期四

[壹週刊 1281] 快閃食家 無綫 USB 沈震軒嗒女貪就手 沈震軒,M1,




探熱針

快閃食家 無綫 USB 沈震軒嗒女貪就手

每晚開電視,《大藥坊》同《使徒行者》兩線劇都見到沈震軒。入行七年,終於等到被大台力捧,由二打六升到做男二,事業開始見成績,但始終不如溝女戰績彪炳,當年一出道就搞掂其時被稱女神的 JJ(賈曉晨),之後又有龔嘉欣,叫唔出名的,更加不計其數。

食得唔嘥!沈震軒「搵食」鍾意就手,溝女亦唔介意幕前定幕後,總之隔籬左右是但執件,早前便將化妝師 Janice私有化,包起對方,跟出跟入做其私人化妝師;不過隨住知名度增加,沈震軒又決定換馬。最新目標,是合作拍攝新劇《衝線》的港姐蔡思貝。

食得唔嘥

在電影《喜愛夜蒲 2》做過「蘭桂坊 USB」的沈震軒,戲中有一句金句:「去到邊插到邊,插完就抆絕無手尾。」原來現實中,沈震軒亦被稱「無綫 USB」!入行七年,享受過不少靚女小花,為人知的包括 JJ(賈曉晨)、龔嘉欣、 As One成員花花( Elfa)、華姐倪晨曦,國產 Baby劉羽琦……等等。

搵食無分界!幕後工作人員都不能錯過。半年前,沈震軒睇中當時仍在無綫做化妝,得廿幾歲打扮似韓妹的 Janice,為方便「上手」,沈震軒經常指定要對方為他化妝,就算在外接其他 job,亦指定搵 Janice做秘撈。獵食經驗老到的他,好快便得手。

沈震軒搭上化妝師 Janice,即要求對方辭工,全天候貼身服侍自己。

拍《衝線》時,沈震軒遇上新一代姣精蔡思貝,當然一撻即着,拍戲以外都表現親密。

近排晚晚都見到沈震軒,連續兩套劇都睇到佢演出。

快速換畫

跟住,沈震軒決定要將 Janice私有化,要求對方辭職唔做無綫,每日陪他開工做私人化妝師,就算 Janice要接其他藝人化妝,也是沈震軒優先。

「嗰排 Sammy(沈震軒)連拍劇都有專人化妝,大家見到都 O晒嘴,喺 TVB除咗林峯,冇乜邊個男藝員咁有排場,佢(沈)搵幾多,大家心裡有數啦,無端端點會用咁多錢請個化妝師跟場呀!」一名無綫人員說。

食家乜都試吓!這段化妝情緣只維持了短短兩個月,隨住沈震軒拍新劇《衝線》𥄫中去年港姐亞軍蔡思貝,便再不見 Janice以御用化妝師身份陪開工;快速換畫,無非是怕對方阻住「搵食」!「無綫 USB」,沈震軒當之無愧。

拍《喜愛夜蒲 2》時,沈震軒同劉羽琦有多場大膽火辣親熱戲,假戲真做,結果被當時女友 JJ發現,最後分手收場。

沈震軒真識食,嗒埋無綫小花龔嘉欣,被人多次撞到拍拖行街。

同屬太陽娛樂的女子組合 As One成員花花,因工作關係認識,結果都走唔出沈震軒嘅五指山。

拍《溝女不離三兄弟》時,沈震軒又搞埋女拍檔倪晨曦。

沈震軒除了冧女了得,氹老細亦有一手, Paco對他特別寵愛,拍戲唱歌乜都預他一份,新年影大合照,更被 Paco欽點企旁邊。



鍾意就快D Share啦!