網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年9月25日 星期四

[壹週刊 1281] 保持距離 湊仔返學 楊千嬅避開鄭中基 中基,楊千嬅,千嬅,鄭中基,M1,




余思敏有咗四個多月,牛仔衫下已經見肚。

探熱針

保持距離 湊仔返學 楊千嬅避開鄭中基

當年鄭中基背住楊千嬅暗撻阿 Sa,導致二人分手,事後千嬅離開鄭中基老豆鄭東漢打骰的金牌唱片,劃清界線。時至今日,二人各有家庭,但千嬅依然抗拒鄭中基。據了解,她原本計劃為囝囝 Torres報讀李嘉欣兒子 Jayden就讀的南區維多利亞幼稚園,但知道鄭中基女兒讀同一間學校後,即打消原意,避之則吉。

捨近取遠

Torres已經兩歲多,開始返學前班,千嬅與老公丁子高安排兒子入讀銅鑼灣維多利亞幼稚園。

「阿 Real(丁子高)同李嘉欣收過料,知道 Jayden讀嗰間維記(維多利亞)師資同環境都好好,原本想安排 Torres讀埋同一間,後來知道鄭中基個女 Emma幾個月前轉咗過嚟,千嬅覺得如果個仔同 Ronald個女同一間學校,大家點都會好易碰到面,所以幫 Torres揀咗銅鑼灣嗰間,寧願遠少少!」知情者說。

○五年,爆出鄭中基與阿 Sa○四年合作電影《追擊八月十五》撻着,男友不忠,被蒙在鼓裡的千嬅受到極大打擊。

「九九年分手後, Ronald借機艙醉酒鬧事單嘢搵番千嬅,之後千嬅仲簽埋俾鄭東漢嘅金牌,當時大家都嗌佢做金牌新抱,點知 Ronald原來同阿 Sa○四年搞埋咗,佢當然唔認,仲大膽到叫兩個女仔一齊食飯,到後來俾人影到,千嬅先知道 Ronald一直都講緊大話,呢件事好 hurt佢,嗰段時間千嬅好唔開心,成日同朋友出去飲酒。」

去年鄭中基以三百多萬買入 Audi R8給考獲車牌的余思敏接女返學,因為又有咗,改由司機揸車。

與鄭中基囡囡同校的李嘉欣兒子 Jayden,由姨媽幫手接放學。

升呢做咗人夫同人父後,鄭中基開始黐家。

上週四(九月十八日),千嬅要出席海洋公園活動,由千嬅媽代勞接送 Torres。

避免尷尬

千嬅和丁子高拍拖兩年便結婚,更火速生埋仔,打鐵趁熱。

再見不是朋友!同千嬅分開後,鄭中基○六年便與阿 Sa於美國秘婚,直至一○年被踢爆,其時二人已在辦手續離婚。一一年,鄭中基與有線主播余思敏奉女成婚,女兒 Emma現已三歲,日前 Ronald在網上發消息公告老婆再度懷孕四個多月,雖然佗住慈姑椗,但余思敏仍堅持每日接送囡囡。放學見到媽咪, Emma即開心撲埋去,讓余思敏與外傭一人一邊拖實行去上車,由司機載返淺水灣寓所。

至於忙拍新片又要做唱片宣傳的千嬅,上週四(九月十八日)有通告, Torres由千嬅媽送去銅鑼灣返學。

「千嬅都係緊張媽咪,有時間就會自己接送 Torres,如果個仔同 Ronald個女讀埋同一間學校,咁佢同余思敏真係會好多機會撞到,咁尷尬,都係免得就免啦。」知情者說。

不是朋友

鄭中基一腳踏兩船,與阿 Sa合作《追擊八月十五》撻着,搞埋超過一年,楊千嬅一直被蒙在鼓裡。

96年,鄭中基力追楊千嬅,之後更以《二月三日》(楊千嬅的生日)一曲,成功俘虜對方。之後有傳因為張栢芝介入,千嬅單方面向外宣布分手;直至 00年,鄭中基發生醉酒大鬧機艙事件,二人再翻撻,千嬅被發現出入男方寓所及流出親暱照片外,更公開承認鄭中基是她唯一愛過的男人。

二人再續前緣,直至○五年爆出鄭中基和阿 Sa有景轟,始知二人原來○四年拍戲已經搭上,之後更被傳媒拍到二人密會;男友一而再不忠,楊千嬅死心分手,再見不是朋友。



鍾意就快D Share啦!