網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月13日 星期四

[壹週刊 - 1288] 攞嚟衰 擺款失 Job 關淑怡搵仔救火 關淑怡,M1,




探熱針

攞嚟衰 擺款失 Job 關淑怡搵仔救火

關淑怡因不滿被助手在公眾場所指責,在 Instagram爆粗鬧爆對方,但實情是她到馬來西亞參加寶麗金騷時擺款令工作人員不滿,事出有因。態度不佳又不合作,關淑怡最近更被飛出寶麗金廣州騷;至於被她誣衊的同事亦表明若再有下次,會公開其惡行。

惡人先告狀!自知理虧的關淑怡,不惜搬出與自己年紀相差二十二年、愛同 member(基民)結交來往的內地電視節目主持李佳念的戀情,轉移視線,放完火再自行救火。

遲到不受控

四十八歲的關淑怡,向來絕口不談感情事,上週一(十一月三日)卻一反常態,高調拖二十六歲內地主持李佳念現身 CASH頒獎禮;自動波公開「母子戀」,溝淡最近她一手掀起的罵戰。

「 Shirley鬧嗰個其實唔係助手,係幫佢接 job嘅。事發原因係之前去大馬做寶麗金騷,出發當日,佢喺飛機起飛前二十分鐘先去到機場,入閘後仲堅持要去 Duty Free,所以先會俾人話,同機嘅工作人員同乘客睇住佢遲上機,冇屈佢。離開大馬嗰日, Shirley一樣遲到,結果搞到航空公司唔俾佢上機。」知情人說。

經此一役,大會為免麻煩,於是飛起關淑怡,取消她演出寶麗金騷廣州站。

「廣州場騷本來喺十一月舉行,海報已經冇落 Shirley;但因為個騷有黃耀明,所以有啲阻滯,要延到明年一月。其實俾佢鬧嘅同事已經冇嘢,仲唔計較咁幫 Shirley爭取緊,希望大會可以用番佢。根本自己唔啱在先,所以 Shirley都收咗口。」

被關淑怡在 Isg鬧爆的同事,指她不再收口,會將其鬧人證據攞出來。

延期至明年一月的寶麗金廣州站演唱會,海報已經冇咗關淑怡。

男友基味濃

為了淡化這場風波,關淑怡甚至將相識不久的男友公諸於世,轉移視線。

「 Shirley同 Jonathan(李佳念)識咗唔係好耐,個男仔喺大陸唔算出名,但本身屋企環境唔錯,成日嚟香港掃名牌;不過國內嘅圈中人就冇聽過佢有女友,仲話佢鍾意黐男仔玩,亦有好多 member(基民) friend,所以大家都好奇怪佢突然搭上 Shirley,仲要係同自己個阿媽年紀差唔係好多。」知情人說。

早前在大馬的寶麗金騷,關淑怡仍然有份,當日安排她提前一班機離開,結果她又因遲大到要改搭遲一班機走人。

跟形象指導 Nelson多年朋友,不過她諸多要求又挑剔,結果辣㷫對方,反面收場。

前經理人李進幫她復出開個唱, Part 1成功後, Part 2賣晒廣告,關淑怡即扭計飛起人。

多年好友兼助手肥 Ann,幫關淑怡接騷及做演唱會阿四,但因一味做冇錢收,嬲到劈炮走人。

現是星夢娛樂揸弗人的何哲圖,曾經跟關淑怡合作過,不過已經有麻煩天后之稱的她,經常遲到甚至唔到,最後不歡而散。

激凸狀元

現年 26歲的李佳念是大陸狀元,當年以全國第一的成績考入重慶大學電影學院,畢業後在製作公司做統籌,後轉做節目主持。由於形象夠潮、滿身名牌,被視為內地時尚達人,包辦不少名牌騷司儀,同時自設工作室接 job,肥水不流別人田。

李佳念不時放泳褲及騷肌相上網,又自稱差不多每天敷面膜,貪靚兼基到震。

新仔基味濃,在微博的相,鍾意露 body外,褲唔短唔著。



鍾意就快D Share啦!