全城熱爆的娛樂八封新聞 & 時事趣聞 & 生活 + 趣聞
好得人驚
近十年長住北京嘅周海媚，早排俾業主踢爆佢舊年因為用電唔小心搞到間屋火燭，之後仲潛埋水唔交租，不過海味就反告對方違章建築，同唔肯退還租金。
租務糾紛，難分難解。喺國內平均一年一劇嘅海味，啱啱拍完《武則天》，收夠籌，係時候返香港 hea。上星期五（十一月七日），《壹》仔喺中環撞到佢同埋媽咪行街 shopping；喺國內生活十年，海味嘅打扮，比同胞更同胞，格仔裙花外套，桃紅色 MCM袋襯綁繩 boots，全身花喱碌，唯一正常，係佢用嚟遮樣個口罩。 咁得人驚，之所以港人拒抗被同化，其實，大條道理。
經過見到街頭表演，著到花碌碌、孭住同胞最愛 MCM袋嘅周海媚同媽咪停低睇咗陣。
之前喺無錫拍《武則天》，周海媚將唧胸相放上網，自製西瓜奶，人肥咗，心口都大咗。
見到《壹》仔，周海媚疾步走，海味媽（箭嘴）大落後。
落到地鐵站，除咗口罩嘅周海媚改用頭髮遮樣。
女人真係要 keep！再係咁落去，海味過多幾年會變花姨。
