網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月13日 星期四

[FACE - 390 - 外地娛樂] 全民公審 謀殺白雪公主 MF,




由井上真央主演的懸疑片《白雪公主殺人事件》,講述人稱「白雪公主」的靚女 OL(菜菜緒飾)被殺,消息一出成為市民熱話,人人爭住做道德判官,令案件更加複雜。

東瀛團

全民公審 謀殺白雪公主

2010年由松隆子主演的日本電影《告白》震撼全東南亞,令小說原作者湊佳苗一鳴驚人。事隔 4年,湊佳苗又有新作《白雪公主殺人事件》被拍成電影。

《白雪公主殺人事件》,由日版《流星花園》女主角井上真央主演,套戲賣點是借殺人事件揭露 OL之間勾心鬥角的醜惡面目,更玩埋網上瘋傳、散播謠言橋來增加吸引性,貼緊時代又中晒 OL心態,唔怪得在日本上映時大收 10億日圓(約 6千 7百萬)票房。

井上真央因拍得太投入,曾失控痛哭?

《白》片中,真央飾演一名 OL,因被她妒忌的同事突然被殺,真央成為最大嫌疑,於是惡毒謠言開始散播,還在網上瘋傳。有指真央近年因被傳與人氣組合嵐主將松本潤拍拖,唔只被尊尼事務所棒打鴛鴦,更被網民怒罵是魔女,所以拍戲時因身同感受,一時感觸試過有次在拍攝途中放聲痛哭,喊到收唔到掣,最後要導演將她拉埋一邊安慰先控制到情緒。

真央扮外貌平凡的 OL,妒忌在公司靚到被稱為「白雪公主」的同事菜菜緒。所以菜菜緒被殺後,醜女真央成最大嫌疑,網民仲主觀認為真央係疑犯。證明世上好多人都係以貌取人。

真央同嵐主將松本潤自 9年前合演日版《流星花園》(圖)後傳出緋聞,但一直被松本潤歌迷怒罵她是「魔女」。片中她一樣被眾人批判為殺人嫌疑犯,有指她因演出太投入而喊到失控。

點解湊佳苗會創作《白雲公主殺人事件》故事呢?

湊佳曲一向擅於描繪人性背後惡毒及醜惡一面,今次創作《白》故事,是想探討近年社交網絡的威力;在人人是記者及全民公審的網絡世代下,事情真假難分,更荒謬是連人性也可瞬間逆轉,於是虛構網上的匿名發文及綜合各節目的報導,最後構成了這一套貼近時代的懸疑片。

電影公司專誠製作一本學《女性 SEVEN》嘅八卦雜誌《週刊太陽》,由嫌疑犯井上真央做封面,淨係道具都認真過大台好多。

出名低調的《白》片作家湊佳苗(左一),亦畀面出席宣傳活動谷戲,她大讚真央原本個樣好靚,但可以扮到好平凡,演技超班。

《白》片捧紅𡃁模菜菜緒?

片中菜菜緒扮演井上真央的死敵同事,雖然被殺時身上中了 10多刀滿身血,但唔少人都讚她死得靚。現年 26歲的菜菜緒,身高 5呎 8吋,最煞食係擁有一對修長美腿,除主要幫《 Pinky》時裝雜誌做專屬模,最近更拍住澤尻英龍華主演日劇《 First Class》,被睇好今年一定紅。

菜菜緒被刺 10多刀,雖然瞪大隻眼陳屍,但唔少觀眾都覺得佢死得好靚,唔夠真實。

Model出身的菜菜緒,憑《白》片上位,最近推出 2015年曆騷 42吋長腿,在日本大賣,銷量僅次於堀北真希成年曆銷量榜第 2位。

《白雪公主殺人事件》

上映日期:11月 20日



鍾意就快D Share啦!