食叉鵝飯，揸 Smart car，劉松仁由飲食到外表打扮同揸車品味，點睇都唔似 65歲。
同你吟一吟
劉松仁唔使 keep
個樣點睇都唔似 65歲嘅劉松仁，平日一定節制飲食勤做運動？錯喎！早個禮拜，《壹》仔响勝利道撞見松哥買燒味飯加例湯外賣，師傅攞起嚿叉燒手起刀落，之後松哥自助攞包用嚟點燒鵝嘅甜醬，原來係叉鵝飯雙拼。
唔怕「三高」，當日長袖 tee襯老牛，留長髮兼留鬚嘅松哥，唔只打扮青春，坐駕更加係唔少年輕人都鍾意嘅車仔 Smart。
松哥唔使 keep，保持心境青春就夠，同佢識咗三十幾年嘅老友馮寶寶，原來都一樣。上個禮拜佢响檳城搞 61歲生日會，主題叫做「 16歲的安哥」，寶寶姐話，年輕嘅時間奉獻晒嚟拍戲，希望借生日會重拾青春。老友牛一，俊魔男松哥更加親自飛去檳城賀壽。
|
鍾意就快D Share啦！
|
|
|