唱好政改唱到口攰，梁愛詩放下工作，享受購物樂。
同你吟一吟
梁愛詩萬元買黑白
身為基本法委員會副主任，梁愛詩呢排要幫口唱好人大 831決定，仲 N次呼籲泛民轉軚袋住先……周身唔得閒。
2017，未知得唔得，梁愛詩得閒不如行街使錢，更加幫到香港。早個禮拜日（四月二十六日）， 76歲白髮「詩姑」一個人行金鐘太古廣場，喺 Emporio Armani打個白鴿轉熱身，再轉場去 Longchamp，即刻大開買戒。
平日衣著以素色為主，職員一早摸熟梁愛詩口味，只會攞黑色同白色套裝俾佢睇。買完 Longchamp，下一站 SPORTMAX，單一係黑色外套，就算店員推介粉色外套，梁愛詩只係禮貌上望兩眼。
哎呀！你又叫人袋住先，點解你又唔買件粉紅色，著住先啫！點都好，就算黑黑白白，梁愛詩已經買到夠數，可以享受商場購物滿一萬蚊，免費換充電器嘅優惠，勁呀！
|
鍾意就快D Share啦！
|
|
|