馬德鐘夫婦陪食 鄺美雲甩拖勁擦 [壹週刊 - 1313] 鄺美雲,馬德鐘,M1,

同你吟一吟

馬德鐘夫婦陪食　鄺美雲甩拖勁擦

因為頂唔順另一半大男人性格，今年初宣布同「樓神」男友林達民結束三年情嘅鄺美雲回復單身。上個禮拜三（四月二十九日）晚，甩拖 Cally吹雞去灣仔道嘅老巴剎廚房歎馬來西亞菜。

Cally叫到，同樣係佛教徒嘅馬德鐘夫婦，到！另外仲有時裝設計師 Dorian Ho、莫鎮賢、無綫助理總經理區偉林、 Cally細佬以及太太等十幾人。

食到差不多十一點散 band，馬德鐘一支箭行出門口唔知去咗邊，太太張筱蘭殿後，同 Cally以及其他朋友抱抱 kiss goodbye先走人。

食飽飽，但 Cally再 order多兩箱外賣，由細佬幫手吩咐職員攞上車。講到尾，以 Cally嘅財力，單身不單身，對佢其實分別不大！

馬德鐘好趕，同 Cally講聲拜之後，就急急腳走咗去。

殿後嘅馬太張筱蘭，同 Cally啜晒兩邊面講拜拜。

Dorian Ho送 Cally上車，而 Cally細佬就負責安排店員將外賣攞上車。

Cally搞珠寶拍賣會，馬德鐘同太太都有到賀。

舊年十一月， Cally同林達民仲手拖手出席林青霞生日宴，但原來兩個當時已醞釀分手。

鍾意就快D Share啦！

下一篇 》