網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年5月7日 星期四

「大食」周志文屢勸不改 樂易玲落令炒魷 [壹週刊 - 1313] 周志文,樂易玲,M1,



探熱針

「大食」周志文屢勸不改 樂易玲落令炒魷

「巨聲大孖」周志文,○九年出道至今,食女多過做嘢!一一年跟有米女友 CoCo袁聖殷撻着同居,就算有人照顧,但返內地和馬賽合作拍劇又搞上;一腳踏兩船小兒科,食女癮大的他,近年更連環𠝹五女,偷食發電機蔡思貝外,更被目擊跟劉佩玥( Moon)在夜店狂嘴,同時間又對陳瀅、吳若希以及何雁詩狂攻。

唔熟唔食,大孖周志文終於出事,被樂易玲下令炒魷。

驚動樂大媽

周志文同孖生細佬周志康同期出身《超級巨聲》,細孖去年奉子成婚榮升老豆,未有機會出唱片的大孖,則繼續拍劇做三、四線配角,但因為得到有米女友 CoCo眷顧,即使搵錢有限,一樣可以用名牌住豪宅,享受一流!有米女友唔嫌棄,但一二年大孖跟當時備受力捧,在《名媛望族》做夫妻的馬賽卻假戲真做,搞到 CoCo要親飛上海監場,甚至公開大鬧小三,事件更驚動大媽樂易玲,雙雙被照肺。

守行為一年,大孖去年又「出手」,跟蔡思貝在台灣拍《衝線》外景搞搞震,借醉留對方過夜。

「佢哋雖然唔認,不過思貝返到香港都有繼續搵大孖,但明知思貝俾公司捧緊,大孖驚又出事,所以玩完一輪就算。」知情者說。

1.狂嘴劉佩玥

2.蔡思貝台灣過夜

3.陪何雁詩旅行

4.假戲真做馬賽

5.有米

CoCo照顧

6.借玩狗溝陳瀅

7.探病

搏吳若希好感

借酒意嘴晒

身經百戰,「獵食」技巧愈來愈精的大孖,甚至同時睇中《四個女仔三個 Bar》幾個女主角。

「後生仔女,好多時都有 gathering,大孖同 watt數最高嘅阿 Moon(劉佩玥)最玩得埋,試過唱 K飲到 high high哋,當住好多人面前嘴晒。至於陳瀅,唔少人都覺得佢正,好似沈震軒同胡鴻鈞都嗒糖,但就得大孖一個做到出晒面,成日借人哋隻狗過橋約佢見面,不過陳瀅有個圈外男友,所以冇騷佢。」

陳瀅養的狗仔可愛,大孖經常以玩狗為由,約對方出街,又放上網大讚。

電視劇《四個女仔三個 Bar》,大孖速攻其中三個女角,因陳凱琳被受公司保護,他唔敢出手。

𥄫中陳瀅,連帶她的好姊妹何雁詩都唔放過,經常三人行。

監製開會表態

夠膽亦要懂得把握時機,早前吳若希母親意外跌傷入院,大孖又趁機出手搏好感。

「大孖初時係同大隻仔(溫家偉)去醫院探 Jinny(吳若希)媽咪,諗住搵位獻殷勤,不過 Jinny係 Herman(唱片部話事人)愛將,已經出晒聲叫佢彈開,但佢仲未知火燒眼眉,連何雁詩都唔放過,知道人哋最近甩拖去旅行散心,竟然主動到話陪玩,何雁詩冇睬佢,但佢同 Jinny都係 Herman嘅人,之後大孖咪俾高層警告囉。」

大孖將大台班姐仔當「靶」,早在馬賽事件,已睇他唔順眼的樂易玲,早前便召開聲討大會,要各大監製表態,斬草除根。

「樂小姐問晒啲監製,話如果認為大孖仲有得做,可以俾多次機會佢,但竟然冇一個監製話會再用,所以樂小姐諗住同佢解約。大孖都聞到味,仲主動約樂小姐傾偈,睇吓拆唔拆得掂。」知情者說。

去年未合作電視劇《衝線》,本刊已拍到大孖跟蔡思貝在街頭玩拖手,又在甜品鋪互餵糖水。

跟有米 CoCo拍拖期間,二人經常出埠旅行,他用的名牌背包,都是女友所送。

不理年齡,有指他連姐姐級胡杏兒都追過。

吳若希母親留院期間,大孖跟老死大隻仔齊去探病。

色禍

色字頭上一把刀,大台懲罰旗下桃色出事男藝人亦從不手軟,第一時間大減工作量,再慢慢消失。

梁榮忠

05年背拍拖七年女友鍾麗淇同朱慧敏玩車震,女主角即時被大台雪藏,形象插水的梁榮忠之後再被踢爆與朱凱婷、袁彌明過從其密,自此一沉不起,唯有離開大台,轉做舞台劇及幕後工作。

崔建邦

跟唐詩詠拍拖多年,經常偷食斷正。 09年終於食出禍,遭混血𡃁模鄺敏慧報警指被男友襲擊,大台即落令他停工,其後再涉停牌駕駛,自知無彎轉的他主動向公司提出解約。

專吼財女

周志文識揀識食,獵食對象有樣有身材之外,部分更是有家底又或者本身搵銀能力強,專吼財女,大孖數口好精。

CoCo袁聖殷

以女子組合 LemonBeez加入樂壇,屋企人在上海營商, CoCo在港住貝沙灣,出入平治跑車,對男友大孖,送名牌禮物冇手軟,甚至全包請去旅行。

馬賽

08年港姐季軍馬賽,當年仍未爆出搶人「老公」,自稱有老豆大水喉射住買樓買車的她,被大孖視為食得過獵物之一。

蔡思貝

13年港姐亞軍,受大台力捧,出道唔夠兩年,拍劇兼拍電影,搵銀潛力強。

劉佩玥

與蔡思貝同屆的港姐季軍劉佩玥,因為一雙 42吋長腿被網民捧為新一代女神,就連賭王四太仔何家猷亨,都帶埋意粉探班力追。

陳瀅

在內地擁有大型商場,有個富爸爸的陳瀅,加拿大長大,來香港發展後,出入用四十萬 Audi跑車代步,生活富貴。

何雁詩

曾經是香港哥爾夫球代表隊成員的何雁詩,攞過唔少公開賽獎項,老豆做生意,身為家中獨女的她,自小已經受重點培訓,每星期到觀瀾湖練波,生活上流化。

吳若希

雖然屋邨出身,但大台安排唱重頭劇主題曲,洗腦式力捧,近年開始搵到錢,買跑車租豪宅,升呢有道。

鍾意就快D Share啦!