小時候，每晚人齊，吃飯前，得向同桌長輩，逐個說「請請」：婆婆食飯，公公食飯，爺爺食飯，嫲嫲食飯，爸爸媽媽食飯……滿桌人頭，熱騰騰的飯和家鄉小菜。後來，婆婆走後，公公也走了，慢慢的，桌邊的人漸次離座，對著冷硬的飯菜，味精很濃，你抬頭問:伙記，俾杯水唔該，然後在fb/ig打卡說:在xx茶餐廳。很懷念媽媽的味道。有多久沒吃了？其實唔記得。
10月10日，回家吃飯日。有食品品牌請來欣宜拍攝宣傳片，長約8分鐘。內容圍繞一對母子，兒子因為工作忙，已有一個月沒回家吃飯。最愛母親弄的鹹魚蒸肉餅。鏡頭另一端，欣宜陪著他的母親到街市張羅，整鹹魚蒸肉餅。買不到靚鹹魚，就整馬蹄蒸豬肉。蒸肉餅跟蒸豬肉，鹹魚變成馬蹄，盡見煮婦精巧心思。呀…好想食。
導演安排母與子各處一室，各自陳述關於味道的心事。同事將母親烹調的馬蹄蒸豬肉送進會議室，兒子沒懷疑菜從哪裡來嗎？猶自吃得津津有味。另一邊，欣宜陪著兒子的媽，在螢幕前看著兒子的食相，忽然掩臉哭:「我都好想食媽咪煮嘅……」
影片接下去，兒子的同事捧著母親的巧手佳餚，欣宜也陪著他的媽進來。母子由食物「相認」。
欣宜從小就吃慣了母親和外婆的巧手，珍饈百味，尋常小菜，欣宜吃得胖胖白白。她也曾說，小時候吉品鮑魚切片當零食，有時暫居演唱會之父張耀榮的家，欣宜會老實不客氣說:「Uncle張唔使咁客氣，你求其俾啲鮑魚蟹黃翅我食就得喇。」
自白中，欣宜說最愛母親弄的煎蝦碌:「媽咪嘅整法係會將蝦頭嘅尖位剪咗去，咁隻蝦就會變成圓碌碌……」可是已經吃不回。
說著說著，一張紙巾已不夠用:「細個嘅時候覺得……媽咪好煩呀，又叫我返屋企食飯，我同啲friend玩呀嘛……咁但係原來大個咗，做嘢開始辛苦嘅時候，係真係會好掛住屋企。珍惜擁有嘅機會，同屋企人食飯。」此時戲劇性的場面再度出現，雪菜黃魚大湯，鹹雞肉，煎蝦碌，和菜飯一一端上來。欣宜哽咽道:「做乜嘢呀你哋……」原來這些都曾是外婆和母親常為她弄的家鄉小菜。
欣宜看著同事像變魔術那樣把各種菜式變出來，掩住了嘴巴:「呢個……婆婆以前成日煮呢個0架……」筷子端正放在碗上，欣宜更是哭不住了:「多謝你哋……我唔得喇我唔得喇……」擁著同事哭，半晌才說:「我又想食嘢喇0依家……。」
片段尾聲，欣宜說:「屋企飯真係最好食。同埋，珍惜眼前人。我哋成日會諗，我哋冇啲乜嘢，爭啲乜嘢，但我哋成日忘記去感恩同埋珍惜，已經有嘅嘢，譬如係一餐好簡單嘅，喺屋企食嘅一餐飯。唉呀好攰呀，唔約食飯喇，但可能當你想約嘅時候，已經約唔到。」
「可能我都要…多啲搵我爹哋。」
混和了淚水鹹味的上海小菜，還是一樣好吃。
影片連結: http://bit.ly/1USGPle
|
鍾意就快D Share啦！
|
|
|