【傳偷食強國人妻】阮經天8年曾背叛4次 許瑋甯堅拒復合
2015-10-20 09:55:00
(資料圖片)
阮經天（小天）今年3月同女友許瑋甯情變分居，至今仍未復合，許瑋甯更不時喺網上貼自己努力工作嘅相，似乎係想重新出發。
據台灣媒體報道指，許瑋甯點都唔肯翻撻，主要原因係佢同小天拍拖8年，小天竟然有4次背叛女友嘅紀錄，更有傳曾同內地已婚H女星傳緋聞，仲有一個知情者向報道講小天並非第一次偷食，又指小天同許瑋甯拍拖嗰陣，曾偷偷地約舊愛翻雲覆雨；5年前被爆上台中一間酒店尋歡、前後至少有3次偷食紀錄，但小天每次都向許瑋甯道歉，女友都心軟原諒。
台灣報道又指，小天今次疑偷食已婚嘅H女星，H女星同小天經常聯絡，兩人不倫戀仲被對方老公知道，許瑋甯知情後，唔止好嬲，更徹底心碎，不過，小天前日問及此事，就皺眉否認，以「欲加之罪，何患無辭」八字回應。
|
鍾意就快D Share啦！
|
|
|