網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年10月20日 星期二

林子祥人肉搜尋Boxing婆婆 林子祥,



林子祥人肉搜尋Boxing婆婆



其他影片:>>






開心舞伴聞歌起舞 林子祥人肉搜尋Boxing婆婆

入行40年擁神級唱功的林子祥(阿Lam),現年68歲寶刀未老,前晚在電視節目唱金曲《吖嗚婆》技驚四座,連白髮婆婆都興奮得聞歌起舞跳到似打boxing,短片在網上瘋傳,網友勁讚阿Lam唱功冇得頂,狠批後輩叫幾聲就叫歌手;而阿Lam都被這位婆婆的可愛舞吸引,在網上開帖公開尋人請婆婆睇騷,他說:「佢肯定唔係吖嗚婆,佢係天仙美女。」

唱腔雄渾獨特的殿堂級歌手林子祥,入行40年的他將於明年1月假紅館舉行「林子祥佐治地球四十年演唱會」,前晚播出的無綫節目《Sunday靚聲王》,擁神級唱功的阿Lam演繹金曲《吖嗚婆》,技驚四座,觀眾不但聽到拍晒手,有位白髮婆婆更high到企起身跳舞,雙手不停揮動好似打boxing般,可愛程度爆晒燈,阿Lam都被吸引刻意走到她面前唱歌,氣氛熱爆。



■阿Lam笑言婆婆肯定不是吖嗚婆,大讚她是天仙美女。資料圖片

可愛舞收視升

有網友將短片放上網,留言:「阿Lam唱快歌!阿婆笑呵呵!跳舞跳得un晒籮!」片段火速在網上瘋傳,大批網友勁讚:「興奮到阿婆都打拳」、「快歌治療法……老人癡呆有得醫喇」,還狂踩後輩歌手唱功冇得比:「𠵱家啲後生仔應該跟前輩學吓唱功先啦,唔係你叫幾聲就叫歌手㗎。」由於阿Lam的神級唱功加白髮婆婆的可愛舞,這集節目收視升了兩點有24點,約155萬觀眾收看。

不少網友都熱烈彈琴,呼喚阿Lam開騷請婆婆去睇,昨日阿Lam的演唱會facebook專頁火速行動,在網上開帖廣傳尋人啟事:「全城尋找《Sunday靚聲王》Boxing馬舞可愛婆婆」,阿Lam接受本報電話訪問,對於被網友勁讚唱得好,他說:「Good!好呀,做得開心呀,嗰晚已經感覺到,嗰班觀眾好high,所以唱得好開心。」有否留意阿婆都好high?他說:「我都未睇節目,因為噚晚唔啱時間,一陣返到去會睇。佢哋話有呢個boxing阿婆,呢個白頭髮阿婆邊個嚟?我都唔知,我咁啱唱嗰隻歌唱到嗰個位,佢喺度跳到咁樣樣令我幾開心,我咪望住佢,我知道𠵱家全城搵緊佢喺邊。」



【起身準備】■阿Lam在電視節目晒神級唱功,白髮婆婆high到聞歌起舞,他表示好想請婆婆睇騷。電視圖片



【興奮捉手】



【約定睇騷】

「佢係天仙美女」

問到覺得婆婆跳得如何?阿Lam笑說:「佢咪boxing咁囉,喺度打緊拳,不過佢好得意,我見到佢好開心,真係奇怪。」連阿婆聽你唱歌都咁興奮,阿Lam說:「Well,好開心,不過佢肯定唔係吖嗚婆,佢係天仙美女,𠵱家想搵番佢,希望佢啲仔女、阿孫認到佢係邊位,等我哋可以搵到佢,到我做演唱會時,可以搵到佢出嚟,我再對住佢唱《吖嗚婆》就好。」會否請婆婆上台一齊跳?阿Lam說:「唔會啦,我諗我會落去尋找佢。」

採訪:皓騫



■林德信及林德懿前晚在場都笑到合不攏嘴。電視圖片

鍾意就快D Share啦!