| 鄭智(上右)以隊長身份領恒大奪標。(AFC圖片) | next 1/1 pre |
 | |
| (AFC圖片) | next 1/1 pre |
 | |
| (AFC圖片) | next 1/1 pre |
 | |
| (AFC圖片) | next 1/1 pre |
 | |
| (AFC圖片) | next 1/1 pre |
 | |
| (AFC圖片) | next 1/1 pre |
廣州恒大淘寶3年2奪亞冠盃冠軍！應屆中超盟主廣州恒大淘寶，繼2年前力壓FC首爾捧走亞冠盃冠軍後，今日佢哋再度登頂，憑住前鋒艾傑臣喺下半場一箭定江山，主場以1:0打敗阿聯酋豪門阿爾阿里，總比數贏1:0成為雙料冠軍。有份入場睇波嘅恆大班主許家印同馬雲，肯定開心到震。雖然早前國家隊贏唔到香港，但呢次鄭智領恒大稱霸亞洲，球隊又分得2千萬人仔獎金，佢一定好開心！
終極一戰喺廣州天河體育館舉行，首回合作客同阿爾阿里打和0:0嘅恆大，今仗派出中國國腳鄭智、黃博文，聯同趕及傷愈復出嘅列卡度高拉特，以及艾傑臣同荷西保連奴等巴西球星正選上陣。一開賽雙方積極搶拼，13分鐘，恒大箭頭艾傑臣同列卡度高拉特先後施射，可惜未能考驗對方門將。
阿爾阿里場面未見佔優，只能憑住快速反擊製造威脅，洛迪高利馬喺26分鐘於右路勁射，不過被恒大門曾誠救出。恆大隨即還以顏色，1分鐘後中場鄭龍喺禁區邊施射稍為偏出。戰至35分鐘，恒大門將曾誠同對方球員發生碰撞，被迫退下火線，後備李帥臨危受命上陣把關。8分鐘後鄭龍頭鎚攻門再被救出，雙方打和0:0返更衣室。
換邊後恒大鏡銳意加強右路攻勢，終於喺下半場9分鐘打開紀錄。鄭龍喺右方成功突破，傳畀禁區入面嘅射手艾傑臣，呢位巴西前鋒隨即巧妙轉身擺脫對方後衞，面對門將冷靜射入1:0，為球隊取得先開紀錄。嘗到甜頭後嘅恒大，頻頻喺右路發動攻勢。去到66分鐘，阿爾阿里進一步陷入劣勢，守將哈米斯喺侵犯恆大球員後再喺對方身上踩多腳，直接領紅被逐出場，呢位守將一度情緒激動，需要隊友拉走。
其後恒大控制大局，阿爾阿里無力回天，最終以0:1落敗，廣州恒大淘寶憑住艾傑臣嘅入波，第2度捧走亞冠盃冠軍。
|
鍾意就快D Share啦！
|
|
|
