掃呢頁CODE去手機

2015年11月22日 星期日

Kylie速晒新歡 :),

Kylie速晒新歡 美國人氣真人騷女星Kylie Jenner被爆在歌手男友Tyga生日當天送上「分手大禮」,有指情變原因是Tyga搭上脫衣舞孃。Kylie撇仔後火速晒疑似新歡照示威! Kylie(左)與Kendall返抵美國,戴黑超現身機場。【東方IC圖片】 Tyga去到生日派對才知Kylie冇到兼「被分手」,認真冇面,連現場索女 ...


美國人氣真人騷女星Kylie Jenner被爆在歌手男友Tyga生日當天送上「分手大禮」,有指情變原因是Tyga搭上脫衣舞孃。Kylie撇仔後火速晒疑似新歡照示威!

Kylie(左)與Kendall返抵美國,戴黑超現身機場。【東方IC圖片】

Tyga去到生日派對才知Kylie冇到兼「被分手」,認真冇面,連現場索女都冇心機睇。【東方IC圖片】

現年18歲的Kylie Jenner與Tyga去年撻着,一直糖黐豆,剛於周四26歲生日的Tyga於夜店舉行盛大派對,影星里奧勒度狄卡比奧(Leonardo DiCaprio)、占美霍士(Jamie Foxx)及歌手A$AP Rocky等到賀,但「女主人」Kylie卻未見影亦沒有在社交網祝賀,傳媒引述其身邊人爆料,指她當日向Tyga提出分手,Tyga是去到派對才知女友冇影。

男愛吃醋女公主病

消息人士透露,二人鬧翻得很突然,Kylie與家姐Kendall Jenner到澳洲宣傳自家產品返美後才決定斬纜。有指Tyga本性花心,經常劈腿的他最近又身痕,搭上一名脫衣舞孃,更在玩Facetime調情時被Kylie「捉姦」在場斷正。Kylie難忍被一再背叛,決定飛甩負心漢!不過亦有指Kylie最近與舊愛積登史密夫(Jaden Smith)密密來往令Tyga大呷乾醋,Tyga友人又指Kylie公主病嚴重,幾乎每日都與Tyga吵架,爭論誰應該取消自己的原定計劃而去陪對方出席活動,又指分手已醞釀數星期。另亦有指Kylie因拒絕下嫁,令想結婚的Tyga大呼冇癮。

面對分手種種傳聞,Kylie未有正面回應,但前日她在Snapchat上載多條短片,一副愁樣邊看夕陽邊聽歌咪嘴,歌詞內容包括「你傷害人,我在治愈」及「完全唔值得」,似是反擊兼鬧爆Tyga呃感情,又自覺不值得為衰男人傷心。而於另一短片所見,她於家中開派對時,與一名年輕男伴在廚房玩煮飯仔,二人頭貼頭勁親密,令人懷疑她已經火速換畫。

前後腳現身同一夜店

Kylie未成年便戀上Tyga,更有傳她將初夜獻給對方,今次分手令她心如刀割,但據悉她決心將對方從記憶中完全抹走。而前日Kylie被拍到獨自現身西荷里活一間夜店,全黑Look的她笑容牽強,當晚Tyga亦在友人陪伴下現身同一夜店,發現鏡頭時即面黑黑,未知二人有否在場內撞到正。擁有越南血統的Tyga出身Hip Hop樂壇,戀上來自有錢家族Kardashian的Kylie後名氣十級跳,由於分手反晒面,Tyga被指有意出書唱衰Kylie。

文:外娛組

Kylie(左)與Kendall返抵美國,戴黑超現身機場。【東方IC圖片】

Tyga去到生日派對才知Kylie冇到兼「被分手」,認真冇面,連現場索女都冇心機睇。【東方IC圖片】

鍾意就快D Share啦!