| 今次到一班星級粉絲發問喇！ | next 1/1 pre |
 | |
| 吳業坤緊張到口窒窒！ | next 1/1 pre |
 | |
| 許志安就問咗啲無聊問題。 | next 1/1 pre |
 | |
| 吳若希就問黎明有冇睇相。 | next 1/1 pre |
 | |
| 柏豪仲威，搲撈話要寫歌畀對方！ | next 1/1 pre |
 | |
| 快啲睇吓黎明咪答喇！ | next 1/1 pre |
 | |
| 黎明簡直係一個哲學家！ | next 1/1 pre |
天王黎明為「東網巨星」炮製《黎明話你知》節目，獻上星級篇，黎明回答其他歌手對他的題問，一問一答擦出估你唔到嘅火花。
黎明對坤坤個頭有興趣
吳業坤：點解我鍾意黎明，因為我細個已經畀阿媽薰陶，我阿媽真係好鍾意黎明，依家同黎明講嘢，簡直係我嘅夢想，因為我阿媽滙應通投票，係搵埋啲人嘅身份證係投畀你架，你真係要....真係....唉，好緊張，好興奮呀，你一定要請我阿媽睇你個演唱會，嚟堅嗰個呢，喺四月幾嗰個呢，真係要呀，不過我有啲嘢想問吓你，其實我講嘢就唔叻，我知你有好多金句，如果畀記者問到口啞啞嘅時候，咁我可以點樣樣答呢？
Leon：佢齊蔭嚟架？（指吳業坤）我想研究佢個頭，點解戴完頂帽都可以平蔭，算啦，唔睇啦。聽佢講金句啦，聽佢講乜畀人問到口啞啞點答？唔識答咪唔好答囉，冇得講落去架，Dead Air。
叫吳若希唔好太迷信
吳若希：Hello，黎生，我係Jinny吳若希，你曾經講過黎明只可以信七成，咁我又想問下喇，依家嘅你可以信幾多成呢？
Leon：呢個問題好有挑戰性，幾年前同你講可以信七成，唔係信我，其實信邊個都唔好信晒，係咪時間可以證明到你睇？就算我講今日百分之一百啱嘅嘢，但時間都會將我真正嘅原意、設定嘅真誠、而扭曲到變咗唔係。
吳若希：我想問你呀，你有冇試過睇相呢，同埋你迷唔迷信㗎？
Leon：我都會睇吓相，聽吓人講嘢，聽完人講嘢自己分析吓囉。啱咪聽囉，能夠做到咪試吓囉，咁通常都冇乜用架，點解呢？你哋發唔發覺到當你遇到問題好唔順嘅時候，你會開始睇相、睇風水，風水話你聽：「係呀呢排好唔順呀，隔一排就好啲架」其實你順嘅時候你又唔會去睇風水，所有都係命運嚟架！風水、命格、命相、全部都畀你係一個心靈雞湯，唔好太過在意，有個目標當然係好啦，咁風水都唔係假嘅，有科學根據，羅庚呀，中國歷史呀，不過唔好太沉迷。
吳若希：同埋我有樣嘢又好想問你呀，之前你講過因為你豁達，所以你唔介意啲人話你唔豁達嘛，咁我如果我想表現到好開心嘅時候，有乜方法可以表現到自己好開心呢？
Leon：我冇架，我從來唔開心就表現唔開心，如果嗰日EQ低啲，我就會表現好靜，好真實架。
安仔問數學題
許志安：我知道黎明咩問題都應該識答，迎刃而解嘅，依家我就問一條好深嘅問題，睇吓你點答，聽住，黎明我想問你1加1減1乘1除1等於幾多？
Leon（笑住諗都唔諗就答）：係唔識，答你都嘥時間，繼續...。
許志安：如果唔係呢條問題，我都可以畀你揀過第二條問題嘅，深啲，1加1等於幾多？
Leon：2囉，多謝你，呢個答你。
周柏豪恨寫歌畀黎明
周柏豪：Leon，你好，我係周柏豪，亦都係你小小嘅歌迷，我想問吓你幾時會再出唱片需要人寫歌呢？我一定有好多時間寫歌畀你㗎。
Leon（表現興奮）：太好啦，周柏豪你寫歌畀我，我完全願意接受，但我話你聽我係唔會出碟嘅，唱完送畀大家聽（點解？）仲有人買碟嘅咩？
|
鍾意就快D Share啦！
|
|
|
