2016年3月16日 星期三

FACE Pop× 《我們首爾吧》 [FACE - 460 - 外地娛樂] __,MF,

UStarChako準備好同UStarChako去首爾未?!平玩平食旅遊資訊、堅迷你韓系網劇《我們首爾吧》有得睇喇!FACEPoPFACEPop×Flyagain.la《我們首爾吧》FACEPop×又飛啦!Flyagain.la嘅韓系迷你旅遊網劇《我們首爾吧》第1集喺噚日(14號)終於有得睇喇,今次除咗有靚爆UStarChako陪你玩盡首爾,仲有神秘Oppa同韓女iconEmmachok盡冧粉絲, ...


UStarChako準備好同UStarChako去首爾未?!平玩平食旅遊資訊、堅迷你韓系網劇《我們首爾吧》有得睇喇!FACEPoPFACEPop×Flyagain.la《我們首爾吧》FACEPop×又飛Flyagain.la嘅韓系迷你旅遊網劇《我們首爾吧》第1集喺噚日(14號)終於有得睇喇,今次除咗有靚爆UStarChako陪你玩盡首爾,仲有神秘Oppa同韓女iconEmmachok盡冧粉絲, ...


UStar Chako

準備好同 UStar Chako去首爾未?!平玩平食旅遊資訊、堅迷你韓系網劇《我們首爾吧》有得睇喇!

FACE PoP

FACE Pop× Flyagain.la《我們首爾吧》

FACE Pop×又飛 Flyagain.la嘅韓系迷你旅遊網劇《我們首爾吧》第 1集喺噚日( 14號)終於有得睇喇,今次除咗有靚爆 UStar Chako陪你玩盡首爾,仲有神秘 Oppa同韓女 icon Emma chok盡冧粉絲,唔使諗!快啲上 FACE Pop app、《我們首爾吧》 Fb專頁同又飛啦 TV煲劇,一齊跟劇去旅行啦喂!

啱啱落機口淡淡最好飲杯果汁,呢間鋪頭嘅鮮榨果汁真係冇得輸,特別推介季節限定嘅士多啤梨汁,個店員好似唔使錢咁落成 20幾 30粒士多啤梨去鮮榨一杯,飲落除咗感受到士多啤梨嘅酸甜,仲有食到成口都係嘅士多啤梨果肉,而且價錢算平民,只係 5500won( 1000won兌大約 6.5港元),好過你飲咖啡

Petitzel Fruity

仁川機場 1/F、 3/F GATE12

營業時間: 06:00-22:00

推介:士多啤梨汁(季節限定)

其實神秘 Oppa係韓國紅爆經理人公司 Brave Entertainment旗下組合 BIG STAR嘅成員,雖然佢哋係練習生,但已經推出過單曲,佢仲帶我哋去佢宿舍附近食平民價( 8000won)嘅牛肉湯飯添!

推介:牛肉湯飯、泡菜湯飯,牛肉湯好清甜,牛迷必食!店員仲識英文、普通話,唔驚溝通唔到!

10 BUTCHER'S

首爾市江南區奉恩寺路 175號( 9號線彥州站)

24小時營業(特別日子會提早關門,可留意 10 BUTCHER’ S fb專頁)

劇入面講 Chako大頭蝦早咗一日到首爾,搞到要自己 hea一晚先可以去搵閨蜜 Emma,所以就去咗弘大其中一條街(弘大站 9號出口轉左,近似旺角西洋菜街行人專用區),明明冇地方落腳都仲可以有心情玩攤位,呢種美少女好 gfable囉!

係咪好誇張呢,呢度唔係富 2代嘅鞋架,係 BIG STAR宿舍嘅波鞋牆。

韓國大學嘅 hall canteen一樣有「頹飯」, 2000won有交易。不過呢度「頹飯」一啲都唔頹,熱辣辣泡菜湯飯再加 3款配菜,不過份量中等兼冇肉食,唔啱大食男。

要數風景最靚,首選延世大學,淨係門口嗰條成百米嘅「百萬大道」都夠照, campus入面仲有一啲歐陸式建築,攞景完全冇難度!嚟影相呃 like是常識吧。

識食一定係嚟鷺梁津掃街,成條街都擺滿韓國獨有嘅小販車仔檔,最貴嗰款小食都唔過 4000won,超抵又衞生!

推介:醬油炒麵飯( 2000won)、炸雞炒年糕( 3500won),$50港紙都唔使包你飽到 hihi!

鷺梁津小食街

首爾銅雀區鷺梁津1洞(鷺梁津站 3號出口)

一套韓劇《奶酪陷阱》掀起全國少女瘋搶便利店即食飯糰, Emma都唔例外,深深俾朴海鎮俘虜咗,佢仲教我哋食完杯面啲湯唔好嘥,落條裝芝士同即食飯糰一齊搞拌食,試完又真係幾 ok喎!唔信自己試吓,絕冇老點!

東廟站呢間啤啤熊博物館 Teseum新開冇幾耐,裡面有超過 500款熊啤啤,入面仲有個鏡子迷宮,啱晒情侶嚟呢度「打卡」!

啤啤熊博物館 Teseum

首爾特別事鍾路區芝峰路 Season大廈 B1(東廟站 6號出口一出就見到)

收費:成人 13000won,連迷宮只需 14500won

FACE POP去片!

facebook: Face Magazine

facebook:我們首爾吧

facebook:又飛 Flyagain.la

撰文:彭家駿

攝影:崔百祥

服裝提供: oh!

鳴謝: s.a.wedding, hmv brave


鍾意就快D Share啦!