掃呢頁CODE去手機

2016年3月16日 星期三

【唔好玩啦】分手三年復合?超雲開綠燈 Ready俾山聰入閘? __,山聰,超雲,陳山聰,

係咪鬼故嚟0架?定係玩浪子回頭金不換?超雲開綠燈俾陳山聰隨時翻撻咁刺激?點解講到佢哋個社交圈好似大台劇男女關係咁,A同B分咗手之後出現霧水C而最後A係同B喺番埋一齊?呢個現實世界唔係細過大台嘛?今日有周刊封面大字標題話,超雲同山聰分手三年,見對方一直行為良好而且洗心革面,所以開閘,俾部署復合嘅山聰入閘。其實件事有冇真係發生過呢?冇人知,都係捕風捉影咁啦。故事係講兩人分手三年來都冇聯絡,超雲身邊冇新 ...




其他影片:>>






係咪鬼故嚟0架?

定係玩浪子回頭金不換?

超雲開綠燈俾陳山聰隨時翻撻咁刺激?

點解講到佢哋個社交圈好似大台劇男女關係咁,A同B分咗手之後出現霧水C而最後A係同B喺番埋一齊?呢個現實世界唔係細過大台嘛?今日有周刊封面大字標題話,超雲同山聰分手三年,見對方一直行為良好而且洗心革面,所以開閘,俾部署復合嘅山聰入閘。其實件事有冇真係發生過呢?冇人知,都係捕風捉影咁啦。故事係講兩人分手三年來都冇聯絡,超雲身邊冇新仔,山聰呢,都係,除咗開工就係跑步。大家都好似好dry咁。咁呢兩個平行空間又有咩線索會疊番埋一齊呢?故事引述消息人士指,超雲呢期忽然向好友打聽山聰近況,言談間有意無意問下對方有另一半未,但問問下又冇咗下文。朋友話幫佢哋牽線出嚟見下面,超雲又話唔使。故事仲話,兩人當年分手後,超雲都冇再點搵山聰死黨郭政鴻,但今年農曆新年就同郭政鴻及細女Ashley見面,仲擺埋合照上網,之後有記者問郭政鴻會唔會撮合超雲同陳山聰復合,佢笑言:「哈哈,呢啲交畀個天,隨緣啦,冇得刻意line up。」被問覺得佢哋有冇機會再走埋一齊,佢直言:「問佢哋旁觀者唔好講,山聰會鬧㗎。」其實超雲忽然問起山聰近況,係咪因為追緊教主套劇咋?山聰就話:「唔係事實嘅嘢,唔回應。」即係……唔係啦。

之前郭政鴻被問及覺得山聰超雲佢哋有冇機會再走埋一齊,郭生就直言:「問佢哋旁觀者唔好講,山聰會鬧㗎。」 超雲農曆新年嗰陣同郭政鴻細女Ashley見過面,被指係開綠燈線索之一…
三年喇,唔知雙方對呢條程式嘅睇法有冇唔同咗?

鍾意就快D Share啦!