熱爆娛樂: 獨家絕招　訓練小雞　何超玩蕉晒黑絲 [FACE

2016年3月16日星期三

獨家絕招　訓練小雞　何超玩蕉晒黑絲 [FACE - 460] __,何超,何超儀,MF,

新戲多激情位，不過 Josie直言冇有怕，事關自己都演過唔少類似角色，絕對唔會尷尬咁話喎！

真面目

獨家絕招　訓練小雞　何超玩蕉晒黑絲

6年前， Josie何超儀憑自家出品電影《維多利亞壹號》榮升西班牙影后，演技獲肯定，之後更不斷挑戰高難度角色，喺《豪情 3D》增肥變風俗娘都冇 say no！

最近 Josie又有新突破，喺新加坡導演邱金海執導新戲《無限春光 27》扮演脫衣舞皇后，黑 bra配黑絲火辣跳 Cha Cha外，更開班教授小雞點樣運用香蕉同金魚等工具「征服」男人，十足馬戲團玩雜技咁喎！

新戲《無限春光 27》，圍繞一間酒店的 27號房間喺唔同年代發生嘅情慾故事，全片由 6個故事串連， Josie則擔任 50年代單元女主角，戲中飾演脫衣舞孃角色正是以星馬脫衣舞皇后陳惠珍為藍本，「絕招」溶入雜技，至今已入圍 3大國際影展。

黑絲飛鏢

Josie飾演脫衣舞皇后，呢一幕就親身示範點樣利用私處射出飛鏢打中氣球！

Josie戲中脫衣舞皇后角色係以星馬「脫衣舞皇后」陳惠珍（小圖）為藍本，有唔少動作都加入雜技元素，呢一幕睇落好似變咗才藝表演添！

跳得多謝老竇

何超儀自榮升西班牙影后後，影壇上不斷挑戰自己，新戲唔少情慾戲份，又親身教授一班小雞點樣運用香蕉、金魚同乒乓波等工具，配合下體來「征服」男人，帶出女性身體係最強武器的暗喻！

Josie更向小雞們教授絕招，加入唔少雜技元素，好似可以用私處開汽水蓋同射出飛鏢打中氣球等，其中一幕， Josie仲要床戰兩男，但裸露都係點到即止。

新戲下月以 3級無刪剪版本喺本港上映，本刊致電 Josie，她說：「覺得角色好有趣！加上導演好認真，做咗好多 research，自己一直都有留意佢嘅作品，所以好信任，放心演佢嘅戲！」至於拍攝時會唔會尷尬，她說：「唔會尷尬！因為只係意識上嘅大膽，演繹類似嘅角色已經駕輕就熟！」戲中要大跳 Cha Cha， Josie直言要歸功於老竇何鴻燊，「當年爹哋跳舞好叻，自己細細個嗰陣，爹哋都有教我跳 Cha Cha，所以戲入面嘅舞步對我嚟講一啲難度都冇！」