掃呢頁CODE去手機

2016年4月28日 星期四

不獲發牌 黎明臉書宣布取消今晚個唱 __,黎明,

對於今晚演唱會因牌照事宜臨時取消,黎明即時拍片上載臉書致歉,全程更表現內疚。黎明由今晚開始,將一連八個晚上於中環舉辦《「黎明Leon30thAnniversaryRandomLoveSongs4Dinlive2016」演唱會》。雖然成夜晚8點先開騷,但下晝5點半左右,入口已有過百歌迷喺度等候。呢個時候,大家都應該好期待,不過另一邊廂,食物環境衞生署發言人喺今日表示,由於相關活動嘅主辦單位未能符合有 ...


對於今晚演唱會因牌照事宜臨時取消,黎明即時拍片上載臉書致歉,全程更表現內疚。

黎明由今晚開始,將一連八個晚上於中環舉辦《「黎明Leon 30th Anniversary Random Love Songs 4D in live 2016」演唱會》。雖然成夜晚8點先開騷,但下晝5點半左右,入口已有過百歌迷喺度等候。

呢個時候,大家都應該好期待,不過另一邊廂,食物環境衞生署發言人喺今日表示,由於相關活動嘅主辦單位未能符合有關消防安全規定,所以食環署唔會發臨時公眾娛樂場所牌照畀該個活動。

黎明則透過臉書向樂迷致歉,仲話會盡力搶救事件:「對不起!各位買了門票的朋友!一萬句!都不能補償你們支持我的心靈!我們會盡最大努力去搶救!再通知大家!」更拍片宣布今晚演唱會將會取消,黎明在短片中說:「我對唔住所有觀眾朋友,因為我哋今日嘅演唱會係要取消嘅,原因係食環署唔批,因為消防條件,我哋藍色同黑色嘅布料雖然係防火料,但呢個料唔係呢個(符合)認可嘅規條,所以我哋會盡快去做所有善後工作,睇吓有咩可以改變,扭轉嘅方法我哋會盡量嘗試。請排緊隊嘅朋友返屋企,喺度為大家帶嚟咁多唔方便地方,我只能講對唔住,萬二分對唔住。」黎明最後致歉時,更不時欠身兼合十,感覺相當無奈,亦感覺到他的歉意。

另黎明亦在官網宣布,詳文如下:

《「 黎明Leon 30th Anniversary Random Love Songs 4D in live 2016」 演唱會》因牌照事宜,未能如期舉行。

黎明(Leon)本於今晚開始舉行一連8場「黎明Leon 30th Anniversary Random Love Songs 4D in live 2016」演唱會,現由於牌照事宜,未能如期於今天晚上舉行首場演唱會。已購買門票的觀眾,詳情請留意官方Facebook(Facebook: https://www.facebook.com/Paciwood.AMusic/ )稍後將會公佈(布)最新安排。

令一眾歌迷失望,深感抱歉。如有造成不便,敬請原諒。


來源 source: http://hk.on.cc
鍾意就快D Share啦!