熱爆娛樂: 復出變搶手貨　 41歲向海嵐投新碼頭 [壹週刊

2016年4月28日星期四

復出變搶手貨　 41歲向海嵐投新碼頭 [壹週刊 - 1364] __,向海嵐,M1,

娛樂偵訊

復出變搶手貨　 41歲向海嵐投新碼頭

98年港姐冠軍向海嵐，近日磨拳擦掌準備復出！先在電影客串試水溫，近日接拍大品牌廣告。回歸的她適逢電視大戰，兩台出手搶人，她一句：「有興趣了解新電視台。」曲線棄投娘家無綫。

凍齡保養廣告埋身

六年冇現身幕前，向海嵐去年戲癮發作，先後客串汪子琦執導的內地電影《愛在星空下》，及吳家麗導演的《有客到》試水溫。結果一試有反應，重出江湖，即獲廣告商睇中她的凍齡保養，邀拍飲品廣告。

向海嵐去年脫離 OL生涯，靠老本都夠食，當年在大台劇《無頭東宮》的奸妃之作，令她賺唔少強國粉絲，復出狂做國內商演。直至演出舞台劇，戲癮一發不可收拾。「上年喺上海做咗個舞台劇，做完開始想做番戲，就決定返去幕前。」向海嵐說。

復出的向海嵐，近日接拍「道地」飲品，飄逸白裙下，完全唔似四十一歲。

年初汪子琦（橙衫）執導的內地電影《愛在星空下》搞發布會，客串的向海嵐及馬德鐘成傳媒追訪目標。

寧投 ViuTV

○八年她毅然離開大台，更放下藝人光環，隻身走到上海過朝九晚六的 OL生涯，在富商羅康瑞旗下的上海新天地任公關。為要擴闊眼界，只因舊工作的機會愈見狹窄。她說：「○八年離開 TVB，其實因為喺呢個地方近十年，感到去到樽頸位，唔知點再向前行。咁多年 TVB都係我經理人，去到一個 point大家都唔知點向前，咁不如離場出外闖吓。」

靜極思動，復出的她適逢難得一見的電視大戰，兩台出手搶人，成為搶手貨的向海嵐會點揀？「其實我作為觀眾，見到有其他電視台，都有興趣去了解吓，因為我睇到佢哋一路做啲創新、新鮮嘅嘢出嚟！」向海嵐曲線棄娘家，投新開的 ViuTV。