陳瀅低胸裝出活動，勁性感！
藝人陳瀅穿上低胸裙出席BRAND OFF活動，大騷事業線。她於活動上用絲巾、吊飾等裝飾袋子，又在袋上簽名留念。品牌創辦人兼董事長安山勉叫陳瀅即席選一個袋，叫男友何猷亨送給她，她即表現尷尬，在店內走來走去亦選不到，又反問是否由創辦人送贈來打完場。
受訪時，陳瀅笑言：「如果佢（安山勉）送畀我，我會揀到，但要使錢就唔好啦。（男友有冇送過名牌嘢畀你？）我自己好少用袋，做嘢嗰陣多數拎住手機同鎖匙，同用環保袋裝衫、鞋。（會唔會同男友情侶裝？）袋唔會。」
試過買假袋
陳瀅坦言自己不介意用二手手袋，而且若手袋款式過時，亦會trade in（以舊換新），可以減少浪費。她更自爆年青時於網上購物平台購買了一個名牌手袋，但卻不幸地買了假貨，她說：「細個未有錢，嗰時用一、二百蚊買咗個手袋，但原來係假嘅。（咁點算？）嗰時未有咁多監管，要自己承擔番個風險。（買過最貴嘅袋係幾錢？）買畀自己最貴嘅嘢係六位數嘅車。」
母親節勁忙
而問陳瀅收到甚麼禮物會覺得很sweet？是不是樓？她表示喜歡收到自製的禮物如生日卡、聖誕卡等。問到猷亨曾否自製禮物送給她？她即冧爆甜笑，並大賣關子說：「唔話畀你知。」
再問陳瀅會否與賭王四房一家慶祝母親節？她即反問記者何時是母親節，當她得知是5月8日時，她即表示當天要工作。問到會否預祝或補祝？她坦言有些難度，因近日忙於拍劇，時間都全給了劇組，昨日亦工作至凌晨二時，要留待有自己時間才可以。問到她會如何跟自己的母親慶祝？她說：「我屋企人唔喺香港，會寄花去加拿大畀媽咪。」
來源 source: http://hk.on.cc
|
鍾意就快D Share啦！
|
|
|
