熱爆娛樂: 肥苟明撬百億湯珈鋮　姊妹朱璇反目 [壹週刊

2016年5月5日星期四

肥苟明撬百億湯珈鋮　姊妹朱璇反目 [壹週刊 - 1365] __,肥苟,朱璇,苟芸慧,M1,

探熱針

肥苟明撬百億湯珈鋮　姊妹朱璇反目

09年華裔小姐冠軍苟芸慧，緋聞不絕，繼早前被傳搭上「清洪契仔」餐廳老闆巫翊鳴後，雖然苟姑娘例牌否認，但有鋪癮識有米男的苟姑娘，個幾月前趁朱璇開工拍電影，偷偷搶食其家族資產過百億湯臣集團副主席湯珈鋮。明撬好姊妹男友，朱璇跟苟姑娘亦唔再扮 friend，反面。

戰鬥格識上流人

近日減磅有成績的苟姑娘，變得戰鬥格頻頻出席社交圈，除有指明冧擁有多間餐廳的清洪契仔巫翊鳴外，進取的她，早前被發現𥄫中湯臣集團副主席湯珈鋮，雖然苟姑娘全部否認，不過三十有三擺明急住搵好人家，未有放棄任何機會，趁好姊妹朱璇拍電影《使徒行者》要開工，約湯珈鋮出街。

「苟姑娘不嬲同朱璇一班華裔小姐都有來往，李亞男同佢兩個都好熟，所以成日約埋出嚟食飯傾偈，兩個女仔嘅屋企人都喺外地，所以特別投契。朱璇同湯珈鋮（ Albert）拍咗拖成五年，好少會出現姊妹飯局，不過有次苟姑娘專登叫佢帶埋男友出嚟，朱璇就搞咗一次飯局，大方介紹俾佢識。食飯時，苟姑娘趁朱璇行開，就問 Albert攞電話號碼。」知情者說。

朱璇雖與靚仔富二代湯珈鋮秘戀五年，但圈中唔少人知情，包括女方好姊妹陳爽。 11年中二人拍拖初期，亦不避嫌結伴睇五月天演唱會。

朱璇與苟姑娘同是選華姐出身，亦是冠軍人馬，本來分外投緣。

去年李亞男結婚，朱璇與苟姑娘一起興奮送嫁。

吼準機會介入

據了解，一直未有行動的苟芸慧，個幾月前，得悉朱璇要為電影《使徒行者》開工，趁機約湯珈鋮單獨見面。

「女仔做主動，男人又點會抗拒？何況係靚女添！ Albert同苟姑娘見過面，最後梗係俾朱璇知道，佢嬲得好緊要，因為苟姑娘同啲閨密講，話自己唔係溝 Albert，只不過想透過佢，識多啲有錢人，希望可以搵到個啱嘅拍拖。朱璇覺得佢唔單止想撬自己男友，仲要利用埋男友去識其他人，覺得苟姑娘好離譜。」知情者說。

朱璇演出的角色，大部分都是風騷姣精，如在前年出街的《情越海岸線》除衫勾引張國強，但現實她對愛情卻頗專一，與湯珈鋮低調拍拖 5年。

為討好未來奶奶「一代俠女」徐楓，朱璇近日轉投邵氏拍電影，更走打女路線。她對上一次作品是《張保仔》，飾海盜首領。

為仔反面後，苟姑娘竟先下手為強取消 follow朱璇的 ig，但朱璇卻仍然保留。

奶奶政策

得來不易，為保護跟湯珈鋮四年情，朱璇一直小心謹慎，本來被無綫力捧，最初在《愛•回家》飾演馬壯女友的她，由於反應好，戲份不斷加重，但因男友媽咪前影星「一代俠女」徐楓不想她太高調，朱璇亦聽話，放棄大好機會。

「朱璇為咗配合男友一家低調作風，佢突然以廣東話唔好為由唔做《愛•回家》，之後就減少拍劇，早前索性轉去邵氏拍電影，仲講明要行打女路線，佢呢一招氹得未來奶奶好開心，事關 Albert媽咪以前扮女俠攞過影后，佢都係投其所好。呢一年， Albert媽咪已經接受咗佢，仲向朱璇放晒口風，話遲啲時機成熟可以公開感情。」知情者說。

明撬好姊妹男友，朱璇亦擺明唔妥，跟苟姑娘斷絕來往冇見面一個月，不過最特別係，心虛的苟姑娘竟然先出招，取消關注對方的 ig，反而朱璇繼續保留。