掃呢頁CODE去手機

2016年5月5日 星期四

美心「食埋」 Cova [壹週刊 - 1365 - 財經] __,M1,美心,Cova

徐福燊現任保險索償委員會主席,其弟徐福銓曾任《香港早晨》節目主持,二人在九十年代初在香港引入意大利的Cova。中環人語美心「食埋」Cova中環招積友有云:「捱飯盒都要食鏞記,dessert唔使酒店餅,Cova都收貨。」但Cova已於四月一日正式易手予美心集團;其實呢單「刁」去年中已醞釀,原本持有CovaCaffeRistorante大股嘅徐福銓(David)和徐福燊(Michael)兩兄弟,已將股 ...


徐福燊現任保險索償委員會主席,其弟徐福銓曾任《香港早晨》節目主持,二人在九十年代初在香港引入意大利的 Cova。

中環人語

美心「食埋」 Cova

中環招積友有云:「捱飯盒都要食鏞記, dessert唔使酒店餅, Cova都收貨。」但 Cova已於四月一日正式易手予美心集團;其實呢單「刁」去年中已醞釀,原本持有 Cova Caffe Ristorante大股嘅徐福銓( David)和徐福燊( Michael)兩兄弟,已將股份轉讓到美心集團旗下,只待今年三月底完成交易。

徐氏兄弟其實大有來頭,徐福銓早年係無綫《香港早晨》嘅主持,後來專做高級美食批發商,佢阿哥徐福燊可謂公職王,又係牙醫,又有律師牌,九十年代徐氏兄弟從意大利取得 Cova特許經營權,搞得有聲有色, Cova除咗杧果忌廉蛋糕( Mango Cream Dome),仲有單經典之作值得回味,就係○二年過氣上海首富嘅老相好——毛玉萍殺到去銅鑼灣利園嘅 Cova,整咗巴如來神掌俾「楊恭如」歎,班侍應仲加鹽加醋繪形繪聲模仿毛玉萍謂:「 Cova係你嚟嘅咩?」小宗聽講,一巴掌之後,嗰間 Cova旺咗三個月呀!

位於利園的 Cova餐廳,○二年因毛玉萍掌摑楊恭如(上圖)而聞名,不少熟客至今仍津津樂道。(關永浩攝)

Cova出名的杧果忌廉蛋糕。

中環寸嘴:有錢就有文化!

工廈大王楊耀松長子,游走高級酒店、銀行,及知名食肆,與各路人士打交道,自認有 jet set生活方式,透過美酒佳餚,察看人生百態,把「生平絕學」不吐不快與粉絲分享。

舊同學仔搞 Le French May法國五月公關工作,請我去沙田文化博物館率先睇印象派大師 Claude Monet真跡兼有餐食,我老友睇到個展覽主力贊助人係張松橋伉儷,唏,呢個世界有錢就有文化,有品味㗎喇!我都係關心多啲有冇 souvenirs拎走,我哋係洋雜世家,梗係想攞啲「貨辦」返去試用啦,話晒係法蘭西貨色,新進引入「 fresh」品牌護膚品,話係 LVMH旗下喎,咁就冇蝕底呀。餐飯懶有心思,個 menu話係 Monet日常食嘅,啲酒 young啲啦,不過冇俾錢就唔使咁肉緊,如果俾咗錢就要捽吓喇,支紅酒都係 Burgundy貴酒區嘅親戚,哈,臨走時,公關認真識做,送三袋 souvenirs俾我,兩袋係俾我兩個妹嘅,我嗰袋就重疊疊,入面有本介紹「保護兒童會」嘅特刊,個公關話最緊要得閒攞嚟睇吓,超!認定我係 potential donor咁咪即係叫我捐錢,另外嗰兩袋冇本書嘅,所以 souvenir都分級數㗎!

楊國佳

最開心有「貨辦」拎走。

晚餐由 Conrad酒店主理,法國佬甜品先係主打。

李家大少愛自家茶

李家傑自備一樽茶。

五一勞動節,四叔長子李家傑一身 Adidas運動 look,坐喺四季酒店 coffee shop與女性友人歎茶,大少呢位朋友打扮樸素,農村味頗濃,與她侃侃而談,似不斷「呻氣」,身旁放上一樽自家泡茶,大少對飲茶十分講究,早年未有三一一地震,特別從日本買水返香港泡茶,似乎四季酒店 coffee shop嘅茶未滿足到佢噃。

貼近強國品味有 SO

黃金周期間,唔少強國富豪湧到黃金海岸睇遊艇展,小宗聽聞,香港有位本地富豪,將艘船梳化、床鋪等全部用上 Hermès嘅料,三千萬遊艇,另加三千萬裝飾,合共六千萬元,其實本地富豪為咗同強國富豪埋堆,品味都要貼近,好似 Alan莊(莊紹綏)艘船—— Lady Candy,由意大利船廠 Benetti製造,二○一三年下水,外形西式,船艙裝修則是金碧輝煌,飯廳設水晶吊燈,設有六間房、按摩池、舞池、電影院等等。又啱數嘅, Lady Candy正放售搵緊好人家,強國人係主要目標買家,如果內籠裝修啱強國人口味,好價甩手機會都高啲吖。

船艙內的十二人飯廳。

Lady Candy船長 180多呎,設有六間房。

莊紹綏的太太喜歡跳舞, Lady Candy內也設有舞池。


鍾意就快D Share啦!