2016年5月5日 星期四

【毛管戙】《痴情快婿》《Yes一族》凍齡周慧敏黎明 世紀合照 __,周慧敏,黎明,

《痴情快婿》、《Yes一族》、《真愛在明天》……有歌迷話:「細個(十歲左右啦)鍾意嘅第一位男歌星係黎明,第一位女歌星係周慧敏,就係你哋兩個喇!」呢位歌迷今年都應該……有35歲咁上下啦!但黎明同周慧敏,一個49一個48,90年代「金童玉女」,YES!人氣之最(當然仲有其餘三大天王同玉女楊采妮),廿幾年後嘅今日再走在一起,食咗防腐劑一樣——唔老嘅?噚晚周慧敏去咗睇黎明個唱,震撼程度同《原振俠》李嘉欣一 ...


《痴情快婿》、《Yes一族》、《真愛在明天》……有歌迷話:「細個(十歲左右啦)鍾意嘅第一位男歌星係黎明,第一位女歌星係周慧敏,就係你哋兩個喇!」呢位歌迷今年都應該……有35歲咁上下但黎明同周慧敏,一個49一個48,90年代「金童玉女」,YES!人氣之最(當然仲有其餘三大天王同玉女楊采妮),廿幾年後嘅今日再走在一起,食咗防腐劑一樣——唔老嘅?噚晚周慧敏去咗睇黎明個唱,震撼程度同《原振俠》李嘉欣一 ...


《痴情快婿》、《Yes一族》、《真愛在明天》……有歌迷話:「細個(十歲左右啦)鍾意嘅第一位男歌星係黎明,第一位女歌星係周慧敏,就係你哋兩個喇!」呢位歌迷今年都應該……有35歲咁上下但黎明同周慧敏,一個49一個48,90年代「金童玉女」,YES!人氣之最(當然仲有其餘三大天王同玉女楊采妮),廿幾年後嘅今日再走在一起,食咗防腐劑一樣——唔老嘅?噚晚周慧敏去咗睇黎明個唱,震撼程度同《原振俠》李嘉欣一樣。入場前周慧敏已事先張揚喺FB貼埋91年兩人合拍嘅《痴情快婿》合照,寫道:「是時侯要出動看一下老拍檔了,Leon Good Show!」一張相勾起好多集體回憶,大家紛紛留言回憶劇情分享下自己的少女/少男時代咁啦。到正式開騷嗰陣,唔止黎明有FB Live,周慧敏都開咗個Live,片中見阿V同君如un住聽黎明唱《越夜越有機》,感覺真係幾夢幻……周慧敏同黎明呢pair,對上一次排排企,已經係08年嗰陣,黎明喺九展舉行慈善演唱會,嗰次亦係兩人相隔15年後再度合作,唱《真愛在明天》當然冇走雞啦!眨下眼,又過咗8年,去到噚晚——一對璧人個樣真係好似冇乜變過咁,「唔識形容心入面嘅感覺,有興奮,有開心,有感動,甚至激動……當年真的以為你哋就係一對情人。唔知你哋以後會唔會有合作嘅機會呢?期待吖!」、「當年房間牆上貼的海報就是周小姐和黎先生」、「唔睇衣著睇人樣,我唔會分到張相完係幾時影,廿年如一日」、「美女與俊男,你倆猶如當年在寶麗金時代,完全沒有很大的變化,仍是這麽的吸引。」……如果你都係經歷過90年代,再睇埋留言,應該真係有一種感動到毛管戙嘅感覺。又假如,其餘三大天王都嚟睇黎明開騷,咁,就真係太正了。

噚晚睇完騷之後,周慧敏送上與黎明合照。兩個都好似食咗防腐劑咁! 《痴情快婿》。1991年。
最尾呢場戲,真係夠晒驚險! 好Man呀! 細個(當係啦)睇到呢一幕時,係咪一樣都好驚豬?
呢部係咩? Yes!
就係《Yes一族》 依家啲樓應該拆晒了吧? 有衝動…馬上重溫
估唔估到呢張相係幾時影? (《城市周刊》圖片) 08年,黎明於九展舉行「 Magic Live Concert」,邀來已15年未再合作嘅周慧敏擔任嘉賓。

鍾意就快D Share啦!
Related Posts Plugin for WordPress, Blogger...