2016年5月5日 星期四

《 G-1格鬥會》 Hazel、 Vangie貼錢買難受 [壹週刊 - 1365] __,Hazel,唐紫睿,M1,

娛樂偵訊《G-1格鬥會》Hazel、Vangie貼錢買難受ViuTV的真人騷《G-1格鬥會》,是非不絕,引起一定回響,節目尚有數集便結束。據了解,由始至終電視台安排訓練好有限,八個女仔由雞手鴨腳,到埋身肉搏拳拳到肉,全靠她們自掏腰包搵教練進行特訓,其中Hazel(唐紫睿)同Vangie(鄧穎芝)花一大筆換來一身傷痕,朋友反目,得不償失!貼錢《G-1格鬥會》當初隆重其事,要求八個參賽選手簽下保密協議 ...


娛樂偵訊

《 G-1格鬥會》 Hazel、 Vangie貼錢買難受

ViuTV的真人騷《 G-1格鬥會》,是非不絕,引起一定回響,節目尚有數集便結束。據了解,由始至終電視台安排訓練好有限,八個女仔由雞手鴨腳,到埋身肉搏拳拳到肉,全靠她們自掏腰包搵教練進行特訓,其中 Hazel(唐紫睿)同 Vangie(鄧穎芝)花一大筆換來一身傷痕,朋友反目,得不償失!

貼錢

《 G-1格鬥會》當初隆重其事,要求八個參賽選手簽下保密協議,亦標榜安排為期六個月的 MMA特訓,但實質除了節目初段的訓練環節外,電視台只是安排了四堂 MMA訓練,絕對不足以令八人踩入鐵籠互相對戰。為了令自己打起上來有板有眼,各人都要私下搵教練進行特訓,其中阿旦(鄧洢玲)算是較幸運的一個,搵到拳館 sponsor。「應該係咁講,佢哋( ViuTV)安排嘅時間,唔係個個都就得到,八個女仔各自都有嘢做,我都有 train到兩堂㗎(四堂入面)!」阿旦說。至於被指同 Hazel(唐紫睿)同一陣線的 Vangie(鄧穎芝)亦大方承認有搵教練補鐘。「節目有 training,但唔多,要打個比賽,梗係訓練得愈多愈好,自己出去練都係一個保障……即使佢哋俾嘅錢只夠俾醫藥費,或者 cover學費都好,都不失係一個幾好嘅經驗。」 Vangie說。

《 G-1格鬥會》還有數集便結束,被分屬朋友的參賽者郭思琳用指甲𠝹面的 Hazel(唐紫睿),直言兩人再見不是朋友,最終贏得比賽成為冠軍的 Hazel,為了今次比賽,足足花費六位數字進行特訓。「係呀,教練要自己搵,有啲選手有 sponsor,我嗰啲堂費要自己俾。(有冇覺得貼錢買難受?)其實都會㗎!我用咗超過六位數字去上堂,都二百幾個鐘㗎,但係都值得㗎!」 Hazel說。

曾與郭思琳是朋友的 Hazel,自從被對方用指甲刮傷後,即時割席冇偈傾。

Winkie出茅招犯眾憎,遭其餘八個女仔全面杯葛。

搵到部分贊助的 Vangie,另聘教練為自己加強攻擊特訓。

陰招惹公憤

八個女仔走埋一齊,是非不絕在所難免,但節目開始無耐,眾人已認定前 HotCha成員 Winkie(黎美言)是公敵,和她帶埋教授參與眾特訓,找出各人的弱點有莫大關係。「係呀!係真㗎,嗰一次有份集訓嘅女仔開始對佢( Winkie)無乜好感。」 Hazel說。至於曾經同 Winkie有兩嘴的 Vangie則寸嘴回應說:「你覺得佢攻擊到我咩?嗰場係我哋 private training,唔應該帶教練嚟睇,我唔知佢 mon到啲咩,但係對其他參賽者絕對唔公平囉!」贏不到比賽,朋友無埋,加上劣評如潮, Winkie輸凸!

Hazel最揼本,花費六位數字進行訓練,其中主攻泰拳練習,有時甚至同泰籍教練於拳館齊齊開餐食泰菜。

阿旦一早搵到拳館全面贊助,參加《 G-1》總算無白做。

劉燕妮同王蘊妮是少數打完比賽後仍然有偈傾的一群。

除了泰拳, Hazel還加操體能,令自己出招更有力量。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...