掃呢頁CODE去手機

2016年5月5日 星期四

突退出娛圈 豬頭 Rika有靠山 富貴強國男友曝光 [壹週刊 - 1365] __,強國,中國,M1,

Rika男友,是北京通盈投資集團太子爺石爍,身家百億。據悉樣貌跟方力申八成似的他經常來港,與香港一班富二代稔熟。探熱針突退出娛圈 豬頭Rika有靠山 富貴強國男友曝光13年退選港姐,有「翻版徐若」之稱的劉燕妮(Rika),近日憑在ViuTV的女子格鬥真人騷被打至變豬頭,並當眾哭訴,豬頭反成有出頭。但日前Rika竟宣布退出娛圈,白白放棄上位機會,原來她早已釣得內地百億身家金龜,為配合男家低調,脫下出 ...


Rika男友,是北京通盈投資集團太子爺石爍,身家百億。據悉樣貌跟方力申八成似的他經常來港,與香港一班富二代稔熟。

探熱針

突退出娛圈 豬頭 Rika有靠山 富貴強國男友曝光

13年退選港姐,有「翻版徐若」之稱的劉燕妮( Rika),近日憑在 ViuTV的女子格鬥真人騷被打至變豬頭,並當眾哭訴,豬頭反成有出頭。但日前 Rika竟宣布退出娛圈,白白放棄上位機會,原來她早已釣得內地百億身家金龜,為配合男家低調,脫下出位光環,乖乖等嫁入強國豪門。

百億集團太子爺

上週日( 1/5), ViuTV真人騷《 G1格鬥會》終播到 Rika(劉燕妮)被前 HotCha成員 Winkie(黎美言)重手打到變豬頭的一場,成為網民熱話。憑豬頭傷勢贏焦點的她,卻突然在 fb鋪千字文宣布退出娛圈,白費晒在台上所流的血汗。

豬頭 Rika在千文表白中交代退出原因,但據了解受唔住娛圈是非抹黑屬其次,話退就退,毫冇後顧之憂,只因 Rika數月前搵到內地富二代筍盤。據悉, Rika手揸的超級筍盤,是北京有名的通盈投資集團話事人石林的兒子石爍,洋名 Sky!富爸爸旗下集團發展多個投資項目,包括在北京黃金地段三里屯的洲際酒店服務式住宅,及全國最大的高爾夫球場俱樂部。石家雖坐擁百億身家,但作風低調, Rika為配合男家要求,就算打出豬頭名堂,連鄭丹瑞都睇中要找她拍電影,豪門門檻在面前,識得揀梗係揀放棄幕前機會,箝實金龜等做強國少奶奶。

她自爆轉行做生意及繼續修讀法律,其實泵滿墨水是為跟隨男友在北京從商。「 Rita呢個男友雖然係內地富二代,不過去咗美國讀書好多年,所以作風好西化,一啲都唔土豪,大學畢業後一直幫爸爸手。佢好錫 Rika,見女友為做真人騷打到咁傷,又搞到周身後遺症好心痛,節目出街前已經成日勸佢唔好做藝人,唔想佢再為拍嘢搞到受傷。 Sky個媽咪都好鍾意 Rika,覺得佢讀法律有學識,男友父母都過晒關,返內地學做生意,比喺幕前仲有前途」知情者爆。

翻版方力申

格鬥女中外形最索的 Rita,被對手 Winkie打到變豬頭,雖然好彩冇破相,但據悉男友已落令要她退出娛圈。

Rika男友石爍,其父揸旗的北京大集團,旗下有 10年落成的通盈•雁棲湖高爾夫球場,是全國數一數二的高級俱樂部。

Rika:低調為配合佢

事後追問 Rika是否為男友退出娛圈,她說:「呢個決定唔係突然,只係提早咗,我係經過深思熟慮去決定。當然有同男友商量過,佢都好支持我嘅諗法。至於退出後幫唔幫佢(男友)手,呢個係後話啦,我依家都冇呢個能力,所以先進修吓先,繼續讀法律,增值咗自己,到時先再決定。」

是否男友要她低調, Rika續說:「依家所有嘢低調,一來都係配合佢,二來自己唔再喺呢個圈嘅人,都想一切低調。總之做咩都好,最緊要自己開心。」

宣布退出前,本刊發現已釣內地金龜的 Rika,下午返理工大學上法律相關課堂。

有樣有學識的 Rita,據悉深得男友父母歡心,如今退出娛圈學做生意,一切低調無非是為未來入豪門鋪路。

睇番上週日( 1/5)播出的一集, Winkie對 Rika出手甚重。而 Rika在 fb發表的千字文中,指出嬲怒的地方並非受傷,而是對手事後在後台的挑釁態度。

兩度退出

13年參選港姐的她被傳媒鎖定大熱,可惜中途退賽。沒跟同屆大熱,事後獲冠軍的民望港姐陳凱琳拗手瓜。

做過空姐的 Rika, 13年參選港姐,且有「翻版徐若瑄」稱號,屬半熱的她起跑不久即以私人理由退選。之後簽了一間新成立的經理人公司,並曾為電影《喜愛夜蒲 3》試鏡,但幕前冇任何成績就遇上公司倒閉。 Rika在圈中銷聲匿跡兩年,其間她在理大修讀法律增值。

直至去年底至再戰娛圈,簽新公司星淘娛樂,參加真人格鬥騷的 Rika幾經辛苦打出前途,卻又再度宣布退出,白費心機。

撰文、攝影、攝錄:娛樂組


鍾意就快D Share啦!