裕美單嘢，真係愈搞愈複雜。
歌手裕美最近被拍到跟無綫藝人黃子恆約會，之後裕美自揭正跟老公林恩浩（Jason）辦理離婚。事件曝光後，雙方友人相繼為好友發聲，先有Jason教友鬧裕美，之後就有女方伴娘爆料指裕美離婚疑涉家暴。
內幕愈爆愈多，雖然裕美及黃子恒之後齊聲否認發展中，但事件最新進展是有疑似裕美跟黃子恆的情慾短訊曝光，字眼除了又攬又錫外，又提到一齊瞓覺，總之相當露骨！
而與裕美屬教友關係的前亞姐張家瑩，得悉裕美離婚疑涉家暴、及有聲稱疑似情慾短訊流出後大感愕然。
張家瑩接受《東網》訪問時，表示去年才認識裕美，二人一起去菲律賓探訪時，亦有感覺到對方不開心，但未敢八掛人家的事，張家瑩謂：「家暴呢件事聽落好嚴重，但又未有聽佢同我哋講。（話佢有事時去你度住？）佢冇嚟過我度住，佢同老公有事（2014年尾）時我都未識佢，我哋係舊年年初先識（2015年），其實我最近都有留意佢嘅新聞。（相信裕美與黃子恆交往嗎？）我唔清楚。（有疑似情慾短訊流出？）佢兩公婆嘅朋友成日出嚟講嘢，你一句我一句咁，我擔心言論最後傷害到佢哋夫妻，做朋友我當然唔想佢哋離婚，我一直都有為裕美祈禱。」
來源 source: http://hk.on.cc
|
鍾意就快D Share啦！
|
|
|