太陽娛樂文化老闆周焯華(洗米華)早前去咗倫敦，陪Mandy Lieu，話晒早前Mandy盛傳呢胎生仔，算係湊夠「好」字，洗米華都好緊張，日前去倫敦Soho區食西餐，一枱人有四、五個人，其中有洗米華、Mandy，同佢哋1歲大嘅囡囡周願，同枱仲有兩個中國裔男士，當時見洗米華就抱住囡囡坐喺大髀，拋高同囡囡玩(新聞連結：http://bit.ly/1UeeTgZ)。陪咗Mandy一段時間，洗米華就返咗港，今午兩點左右率劉浩龍、鄧麗欣現身灣仔會展《太陽城集團環球貴賓娛樂平台》記者會，華哥都係一貫西裝look吊腳褲，輕便鞋現身，神情輕鬆，同身邊人有講有笑，席間有段短片係華哥簡短介紹將娛樂博彩同旅遊嘅概念。記者會完結後，一眾人移步到攤位合照，之後華哥單人企定定被傳媒拍照，然後離開會場，被追問Mandy生未、以及係唔係會回港?華哥只友善地回望一眼，未有回答，身邊隨即有人表示不接受訪問。
| 洗米華早前去咗倫敦陪Mandy Lieu。(左圖為資料圖片)(右攝：陳志嵐) |  洗米華今日出席太陽娛樂活動。 |  |
 同場仲有劉浩龍、Stephy。 |  |
來源 source: http://hk.apple.nextmedia.com
|
鍾意就快D Share啦！
|
|
|